ಸರ್ಕಾರದಿಂದ ಕಿಸಾನ್ ಡ್ರೋನ್ ಯೋಜನೆ –  ಯೋಜನೆಯಿಂದಾಗುವ ಪ್ರಯೋಜನಗಳ ಬಗ್ಗೆ ತಿಳಿಯಿರಿ

ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ಕಿಸಾನ್ ಡ್ರೋನ್ ಯೋಜನೆಯು ಭಾರತದಾದ್ಯಂತ ರಾಸಾಯನಿಕ ಮುಕ್ತ ಕೃಷಿಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ.ಡ್ರೋನ್‌ಗಳನ್ನು ಬಳಸಿಕೊಂಡು ಬೆಳೆಗೆ ಕೀಟನಾಶಕಗಳನ್ನು ಸಿಂಪಡಿಸುವಲ್ಲಿ ರೈತರಿಗೆ ಸಹಾಯ ಮಾಡುವುದು ಈ ಯೋಜನೆಯ ಉದ್ದೇಶವಾಗಿದೆ. ಇದು 2022 ರ ವೇಳೆಗೆ ರೈತರ ಆದಾಯವನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಈಗಾಗಲೇ 100 ಕಿಸಾನ್ ಡ್ರೋನ್‌ಗಳನ್ನು ಪ್ರಾರಂಭ ಮಾಡಲಾಗಿದೆ  ಮತ್ತು ದೇಶದಲ್ಲಿ ಡ್ರೋನ್ ಸ್ಟಾರ್ಟ್-ಅಪ್‌ಗಳನ್ನು ಉತ್ತೇಜಿಸುವ ಯೋಜನೆಯನ ಹಮ್ಮಿಕೊಂಡಿದೆ. ಈ ಯೋಜನೆಯನ್ನು ಸದುಪಯೋಗಪಡಿಸಿಕೊಳ್ಳಲು ಸರ್ಕಾರ – ರೈತರಿಗೆ ನೆರವು ನೀಡುತ್ತದೆ.

ಕಿಸಾನ್ ಡ್ರೋನ್ ಯೋಜನೆ – ಇದರ ಬಗ್ಗೆ  ಅವಲೋಕನ

• ಯೋಜನೆಯ ಹೆಸರು – ಕಿಸಾನ್ ಡ್ರೋನ್ ಯೋಜನೆ
• ಯೋಜನೆಯ  ತಿದ್ದುಪಡಿ ದಿನಾಂಕ – ಜನವರಿ 2022 ರಂದು ನೀಡಲಾದ ಪರಿಷ್ಕೃತ ಮಾರ್ಗಸೂಚಿಗಳು
• ಯೋಜನೆಯ ಮೊತ್ತದ  ಹಂಚಿಕೆ – ರೂ. 200 ಕೋಟಿ
• ಪ್ರಾಯೋಜಿತ ಸರ್ಕಾರ – ಕೇಂದ್ರ ಸರ್ಕಾರ
• ಸಹಾಯವಾಣಿ ಸಂಖ್ಯೆ – 011-23381092.

ಕಿಸಾನ್ ಡ್ರೋನ್ ಯೋಜನೆಯ ವೈಶಿಷ್ಟ್ಯಗಳು    

ಕಿಸಾನ್ ಡ್ರೋನ್ ಯೋಜನೆಯ ಪ್ರಯೋಜನಗಳು ?

ಯೋಜನೆಯ ಪ್ರಯೋಜನಗಳೆಂದರೆ:

• ಭೂ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸುವುದು, ಬೆಳೆ ಮೌಲ್ಯಮಾಪನ ಮಾಡುವುದು, ಪೋಷಕಾಂಶಗಳು ಮತ್ತು ಕೀಟನಾಶಕಗಳನ್ನು ಡ್ರೋನ್ ಗಳನ್ನ  ಬಳಸಿ ಸಿಂಪಡಿಸಬಹುದು.
• ಕೃಷಿ ಕಾರ್ಯಗಳಿಗೆ ಉಪಯೋಗವಾಗಲು ಡ್ರೋನ್ಅನ್ನು ಖರೀದಿಸಲು ರೈತರಿಗೆ ಅನುದಾನ ಸಿಗಲಿದೆ.
• ಇದು ರೈತರಿಗೆ ಡ್ರೋನ್‌ ಬಳಸಿಕೊಂಡು ಸಸ್ಯ ರೋಗ ಹಾಗೂ ಕೀಟಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ. ಅದು ಅವರ ಶ್ರಮ ಮತ್ತು ಸಮಯವನ್ನು ಉಳಿಸುತ್ತದೆ, ಅವರು ಆ ಸಮಯವನ್ನು ತಮ್ಮ ಗಳಿಕೆಯನ್ನು ಹೆಚ್ಚಿಸಲು ಬೇರೆಡೆ ಬಳಸಬಹುದು.
• ಇದು 7 ರಿಂದ 10 ನಿಮಿಷಗಳಲ್ಲಿ ಒಂದು ಎಕರೆ ಭೂಮಿಯಲ್ಲಿ ಔಷಧಿಗಳು , ಯೂರಿಯಾ ಮತ್ತು ಕೀಟನಾಶಕಗಳನ್ನು ಸುಲಭವಾಗಿ ಸಿಂಪಡಿಸಲು, ರೈತರಿಗೆ ಸಹಾಯ ಮಾಡುತ್ತದೆ

ಕಿಸಾನ್ ಡ್ರೋನ್ ಯೋಜನೆಯ ಕೊರತೆಗಳೇನು ?

ಇಲ್ಲಿಯವರೆಗೆ, 2022 ರ ವೇಳೆಗೆ ರೈತರ ಆದಾಯವನ್ನು ಹೆಚ್ಚಿಸುವ ಆರಂಭಿಕ ಭರವಸೆಯ ಮೇಲೆ ಕಾರ್ಯನಿರ್ವಹಿಸಲು ಸರ್ಕಾರದಿಂದ ಯಾವುದೇ ಗಮನಾರ್ಹ ಪ್ರಯತ್ನಗಳಾಗಿಲ್ಲ. ರಸಗೊಬ್ಬರ ಮತ್ತು ಕೀಟನಾಶಕಗಳನ್ನು ಸಿಂಪಡಿಸುವುದರಿಂದ ಉತ್ಪಾದನೆಗೆ ಸಹಾಯವಾಗುತ್ತದೆ. ಆದರೆ , ಇದು ಹೆಚ್ಚಾಗಿ ಉದ್ಯಮಗಳಿಗೆ ಲಾಭವನ್ನು ನೀಡುತ್ತದೆ.

ಕಿಸಾನ್ ಡ್ರೋನ್ ಯೋಜನೆಗೆ ಅರ್ಜಿ ಸಲ್ಲಿಸುವುದು ಹೇಗೆ?

ಈ ಯೋಜನೆಗೆ ಅರ್ಜಿ ಸಲ್ಲಿಸುವ ವಿಧಾನವೆಂದರೆ :ಕೃಷಿಗಾಗಿ ಯಾವುದೇ ಆಧುನಿಕ ಯಂತ್ರಕ್ಕೆ ಅರ್ಜಿ ಸಲ್ಲಿಸುವುದು.

ಹಂತ 1 – https://agrimachinery.nic.in/Farmer/SHGGroups/Registration ಗೆ ಭೇಟಿ ನೀಡಿ.

ಹಂತ 2 – ನೋಂದಣಿ ವಿಭಾಗಕ್ಕೆ ತೆರಳಿ.

ಹಂತ 3 – ಮೂರು ಆಯ್ಕೆಗಳಲ್ಲಿ, ರೈತರನ್ನು  ಆಯ್ಕೆಮಾಡಿ.

ಹಂತ 4 – ವಿವರಗಳನ್ನು ನಿಗಾ ವಹಿಸಿ ಭರ್ತಿ ಮಾಡಿ ಮತ್ತು ಸಲ್ಲಿಸಿ.

ಅಗತ್ಯವಿರುವ ದಾಖಲೆಗಳು ?

• ಆಧಾರ್ ಕಾರ್ಡ್
• ಭೂಮಿಯ ವಿವರಗಳನ್ನು  ದಾಖಲಿಸಲು ಭೂಮಿಯ ಹಕ್ಕು (ROR)ಪತ್ರ .
• ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರ
• ಬ್ಯಾಂಕ್ ಪಾಸ್ ಪುಸ್ತಕದ ಮೊದಲ ಪುಟದ ಫೋಟೋ ಪ್ರತಿ
• ಯಾವುದೇ ಐಡಿ ಪುರಾವೆಯ ಪ್ರತಿ
• SC / ST / OBC ಜಾತಿ ವರ್ಗ ಪ್ರಮಾಣಪತ್ರದ ಪ್ರತಿ.

ಕಿಸಾನ್ ಡ್ರೋನ್ ಯೋಜನೆಯಲ್ಲಿ, ಡ್ರೋನ್‌ಗಳನ್ನು ಹಾರಿಸಲು ರೈತರಿಗೆ ತರಬೇತಿಯನ್ನು ನೀಡುತ್ತದೆ. ತರಬೇತಿ ಕಾರ್ಯಕ್ರಮಗಳನ್ನು ಕೃಷಿ ಕಾಲೇಜುಗಳು ಮತ್ತು ಕೃಷಿ ವಿಜ್ಞಾನ ಕೇಂದ್ರಗಳಲ್ಲಿ ನಡೆಸಲಾಗುತ್ತದೆ. ಈ ತರಬೇತಿಗೆ ರೈತರು ಯಾವುದೇ ಶುಲ್ಕ ಪಾವತಿಸುವ ಅಗತ್ಯವಿಲ್ಲ. ಆದಾಗ್ಯೂ, ಮೊಬೈಲ್ ಟವರ್‌ಗಳು ಮತ್ತು ಹೈ-ಟೆನ್ಷನ್ ಲೈನ್‌ಗಳನ್ನು ಹೊಂದಿರುವ ಸ್ಥಳಗಳಲ್ಲಿ ಡ್ರೋನ್‌ಗಳನ್ನು ಅನುಮತಿಯೊಂದಿಗೆ ಬಳಸಬೇಕಾಗುತ್ತದೆ.