ಬಯೋ-ಫ್ಲಾಕ್ ಮೀನು ಸಾಕಣೆ ಎಂದರೇನು?? ರೈತರು, ಉದ್ಯಮಿಗಳು ತಮ್ಮ ಆದಾಯವನ್ನು ಹೆಚ್ಚಿಸಲು ಇದು ಹೇಗೆ ಸಹಾಯ ಮಾಡುತ್ತದೆ?

ಪ್ರಸ್ತಾವನೆ:

ಬಯೋಫ್ಲೋಕ್ ಟೆಕ್ನಾಲಜಿ (BFT) ಅನ್ನು ಹೊಸ “ನೀಲಿ ಕ್ರಾಂತಿ” ಎಂದು ಪರಿಗಣಿಸಲಾಗುತ್ತದೆ ಏಕೆಂದರೆ ಪೋಷಕಾಂಶಗಳನ್ನು ನಿರಂತರವಾಗಿ ಮರುಬಳಕೆ ಮಾಡಬಹುದು ಮತ್ತು ಸಂಗೋಪನಾ ಕೃಷಿ ಮಾಧ್ಯಮದಲ್ಲಿ ಮರುಬಳಕೆ ಮಾಡಬಹುದು, ಕನಿಷ್ಠ ನೀರಿನ  ಬಳಕೆಯಿಂದ ಪ್ರಯೋಜನ ಪಡೆಯಬಹುದು. ಬಯೋಫ್ಲೋಕ್ ಟೆಕ್ನಾಲಜಿ (BFT) ಪರಿಸರ ಸ್ನೇಹಿ ಜಲಚರಗಳ  ಸಾಕಣೆ ತಂತ್ರವಾಗಿದ್ದು, ಸ್ಥಳದಲ್ಲೇ ಸೂಕ್ಷ್ಮಜೀವಿಗಳ ಉತ್ಪಾದನೆಯನ್ನು ಕೂಡ ಮಾಡಬಹುದು. ಬಯೋಫ್ಲೋಕ್ ಎಂಬುದು ಕೆರೆಗಳು/ತೊಟ್ಟಿಗಳಲ್ಲಿನ ಪಾಚಿಯಂತಹ  ಸೂಕ್ಷ್ಮಜೀವಿಗಳ ಬೆಳವಣಿಗೆಯಾಗಿದ್ದು, ಇದು ಜೀವಂತ ಮತ್ತು ಸತ್ತ ಕಣಗಳ ಸಾವಯವ ಪದಾರ್ಥಗಳು ಮತ್ತು ಬ್ಯಾಕ್ಟೀರಿಯಾದ  ಒಟ್ಟು ಮಿಶ್ರಣವಾಗಿರುತ್ತದೆ. ಇದು ಕೆರೆ\ತೊಟ್ಟಿಯೊಳಗಿನ ಸೂಕ್ಷ್ಮಜೀವಿಯ ಚಟುವಟಿಕೆಗಳ ಬಳಕೆಯಾಗಿದ್ದು, ಸೂಕ್ಷ್ಮ ಜೀವಿಗಳಿಗೆ  ಆಹಾರವನ್ನು ಒದಗಿಸಲು ಮತ್ತು ಅದೇ ಸಮಯದಲ್ಲಿ ನೀರಿನ ಸಂಸ್ಕರಣೆಯ                 ಬಗ್ಗೆಯೂ ಕೂಡ ಕಾರ್ಯನಿರ್ವಹಿಸುತ್ತದೆ. ಹೀಗಾಗಿ, ಈ ವ್ಯವಸ್ಥೆಯನ್ನು ಸಕ್ರಿಯ ತೂಗು ಕೆರೆಗಳು  ಎಂದೂ ಕರೆಯಲಾಗುತ್ತದೆ.

ಬಯೋ-ಫ್ಲಾಕ್ ಆಧಾರಿತ ಮೀನುಗಾರಿಕೆಯ ಕಾರ್ಯನಿರ್ವಹಣೆ!

• ಬಯೋಫ್ಲೋಕ್ ವ್ಯವಸ್ಥೆಯು ತ್ಯಾಜ್ಯನೀರಿನ ಸಂಸ್ಕರಣೆಯಾಗಿದ್ದು, ಇದು ಜಲಚರ ಸಾಕಾಣೆಯ ಒಂದು ವಿಧಾನವಾಗಿದೆ.
• ಕಾರ್ಬೋಹೈಡ್ರೇಟ್ ಮೂಲವನ್ನು ಸೇರಿಸುವ ಮೂಲಕ ಹೆಚ್ಚಿನ ಕಾರ್ಬನ್ – ನೈಟ್ರೋಜನ್ (C-N) ಅನುಪಾತವನ್ನು ನಿರ್ವಹಿಸುತ್ತದೆ.
• ಉತ್ತಮ ಗುಣಮಟ್ಟದ ಏಕಕೋಶ ಸೂಕ್ಷ್ಮಜೀವಿಯ ಪ್ರೋಟೀನ್ ಉತ್ಪಾದನೆಯ ಮೂಲಕ ನೀರಿನ ಗುಣಮಟ್ಟವನ್ನು ಸುಧಾರಿಸಲಾಗುತ್ತದೆ, ಅಂತಹ ಸ್ಥಿತಿಯಲ್ಲಿ, ವಿವಿಧ ರೀತಿಯ ಸೂಕ್ಷ್ಮಜೀವಿಯ ಬೆಳವಣಿಗೆಯು ಸಂಭವಿಸುತ್ತದೆ.
• ಇದು ಸಾರಜನಕ ತ್ಯಾಜ್ಯವನ್ನು ಸಮ್ಮಿಲನಗೊಳಿಸುತ್ತದೆ, ಇದನ್ನು ಸಂಸ್ಕರಿತ ಜಾತಿಗಳು  ಇದನ್ನು ಆಹಾರವಾಗಿ ಬಳಸಿಕೊಳ್ಳುತ್ತದೆ.
• ಸೂಕ್ಷ್ಮಜೀವಿಯ ಉತ್ಪಾದನೆಯು ಆಟೋಟ್ರೋಫಿಕ್ ನೈಟ್ರಿಫೈಯಿಂಗ್ ಬ್ಯಾಕ್ಟೀರಿಯಾಕ್ಕಿಂತ ಹತ್ತು ಪಟ್ಟು ಹೆಚ್ಚಾಗಿದೆ.

ಬಯೋಫ್ಲೋಕ್ ತಂತ್ರಜ್ಞಾನದ ಪ್ರಯೋಜನಗಳು

• ಇದು ಪರಿಸರ ಸ್ನೇಹಿ ವ್ಯವಸ್ಥೆ.
• ಕನಿಷ್ಠ ಭೂಮಿ ಮತ್ತು ನೀರಿನ  ಬಳಕೆ
• ಸೀಮಿತ ಅಥವಾ ಶೂನ್ಯ ನೀರಿನ ವಿನಿಮಯ ವ್ಯವಸ್ಥೆ
• ಹೆಚ್ಚಿನ ಉತ್ಪಾದಕತೆ (ಇದು ಮೀನಿನ ಬದುಕುಳಿಯುವಿಕೆಯ ಪ್ರಮಾಣವನ್ನು ಹೆಚ್ಚಿಸುತ್ತದೆ.
• ಬೆಳವಣಿಗೆಯ ಕಾರ್ಯಕ್ಷಮತೆ, ಮೀನುಗಳ ಸಂಗೋಪನಾ ಕೃಷಿ ವ್ಯವಸ್ಥೆ ಹಾಗೂ ಉತ್ತಮ ಆಹಾರ ಪರಿವರ್ತನೆ).
• ಹೆಚ್ಚಿನ ಜೈವಿಕ ಭದ್ರತೆ.
• ನೀರಿನ ಮಾಲಿನ್ಯವನ್ನು ಕಡಿಮೆ ಮಾಡುತ್ತದೆ ಮತ್ತು ರೋಗಕಾರಕಗಳ  ಹರಡುವಿಕೆಯನ್ನು ತಗ್ಗಿಸುತ್ತದೆ
• ಇದು ಪ್ರೋಟೀನ್ ಭರಿತ ಆಹಾರದ ಬಳಕೆ ಮತ್ತು ಪ್ರಮಾಣಿತ ಆಹಾರದ ವೆಚ್ಚವನ್ನು ಕಡಿಮೆ ಮಾಡುತ್ತದೆ.

ಬಯೋಫ್ಲೋಕ್  ತಂತ್ರಜ್ಞಾನ ತಯಾರಿಸುವ  ವಿಧಾನ ?

ವಿಧಾನ 1:

 ಶುಚಿಯಾಗಿರುವ ಬಕೆಟ್ ಅಥವಾ ಟಬ್ ನಲ್ಲಿ 15000 ಲೀಟರ್ ಶುದ್ಧ ನೀರಿಗೆ 150 ಲೀಟರ್ ಸೂಕ್ಷ್ಮ ಜೀವಿಯ ಇನಾಕ್ಯುಲಮ್ ಹಾಕಬೇಕು

ಹಂತ 1: 150 ಲೀಟರ್ ನೀರಿನಲ್ಲಿ  ಸೂಕ್ಷ್ಮ ಜೀವಿಯ ಇನಾಕ್ಯುಲಮ್ ಅನ್ನು  ಸತತವಾಗಿ ಕದಡಿಸಬೇಕು           

ಹಂತ 2: 3 ಕೆಜಿ ಕೆರೆ  ಮಣ್ಣು + 1.5 ಗ್ರಾಂ ಅಮೋನಿಯಂ ಸಲ್ಫೇಟ್ / ಯೂರಿಯಾ + 30 ಗ್ರಾಂ ಕಾರ್ಬನ್ ಮೂಲ (ಬೆಲ್ಲ / ಗೋಧಿ ಹಿಟ್ಟು / ಟಾಪಿಯೋಕಾ ಹಿಟ್ಟು) ವನ್ನು ಸೇರಿಸಿ 

ಹಂತ 3: ಟಬ್‌ನಲ್ಲಿ ನೀರನ್ನು ಚೆನ್ನಾಗಿ ಕದಡಿಸಬೇಕು 

ಹಂತ 4: ಸೂಕ್ಷ್ಮ ಜೀವಿಗಳ ಇನಾಕ್ಯುಲಮ್ 24-48 ಗಂಟೆಗಳ ನಂತರ ಸಿದ್ಧವಾಗುತ್ತದೆ ಮತ್ತು ಅದನ್ನು ಮುಖ್ಯ ಟ್ಯಾಂಕ್‌ಗೆ ವರ್ಗಾಯಿಸಬಹುದು. 

• ಸೂಕ್ಷ್ಮ ಜೀವಿಗಳ ಅಭಿವೃದ್ಧಿಗೆ ಪ್ರತಿದಿನ ಇಂಗಾಲದ ಮೂಲವನ್ನು ಒದಗಿಸಬೇಕಾಗುತ್ತದೆ.
• ಪ್ರತಿ 1 ಕೆಜಿ ಆಹಾರಕ್ಕೆ  (25% ಕಚ್ಚಾ ಪ್ರೋಟೀನ್‌ನೊಂದಿಗೆ), 600 ಗ್ರಾಂ ಕಾರ್ಬನ್ (ಇಂಗಾಲ)  ಮೂಲ, 10:1 ರ ಅನುಪಾತವನ್ನು (C: N) ಕಾಪಾಡಬೇಕಾಗುತ್ತದೆ.
• ಸೂಕ್ಷ್ಮ ಜೀವಿಗಳ ಮಿಶ್ರಣವು 15-20ml ತಲುಪಿದ ನಂತರ ಇಂಗಾಲದ (ಕಾರ್ಬನ್) ಮೂಲವನ್ನು ನೀಡುವ ಅಗತ್ಯವಿರುವುದಿಲ್ಲ.

ಬಯೋಫ್ಲೋಕ್ ತಂತ್ರಜ್ಞಾನಕ್ಕೆ  ಸೂಕ್ತವಾದ ಮೀನಿನ ಜಾತಿಗಳು

ಬಯೋಫ್ಲೋಕ್ ತಂತ್ರಜ್ಞಾನದಲ್ಲಿ ಪ್ರಮುಖವಾಗಿ  ಕೃಷಿಯೋಗ್ಯ ಮೀನಿನ  ಜಾತಿಗಳನ್ನು ಬಳಸಲಾಗುತ್ತದೆ. 

ಬಯೋಫ್ಲೋಕ್ ವ್ಯವಸ್ಥೆಯನ್ನು ವಿನ್ಯಾಸಗೊಳಿಸುವಲ್ಲಿ ಮೂಲಭೂತ ಅಂಶವೆಂದರೆ ಬೆಳೆಸಬೇಕಾದ ಜಾತಿಗಳು. ಬಯೋಫ್ಲೋಕ್ ವ್ಯವಸ್ಥೆಯು ನೀರಿನಲ್ಲಿ ಹೆಚ್ಚಿನ ಘನವಸ್ತುಗಳ ಸಾಂದ್ರತೆಯನ್ನು ಸಹಿಸಿಕೊಳ್ಳಬಲ್ಲ ಮತ್ತು ಸಾಮಾನ್ಯವಾಗಿ ಕಳಪೆ ನೀರಿನ ಗುಣಮಟ್ಟವನ್ನು ಸಹಿಸಿಕೊಳ್ಳುವ ಮೀನಿನ ಜಾತಿಗಳಿಗೆ ಹೆಚ್ಚು ಸೂಕ್ತವಾಗಿದೆ.

ಬಯೋಫ್ಲೋಕ್ ಗೆ ಸೂಕ್ತವಾದ ಕೆಲವು ಜಾತಿಗಳು:

• ಸಿಂಘಿ (ಹೆಟೆರೊಪ್ನ್ಯೂಸ್ಟೆಸ್ ಫಾಸಿಲಿಸ್), ಮಗೂರ್ (ಕ್ಲಾರಿಯಸ್ ಬ್ಯಾಟ್ರಾಚಸ್), ಪಬ್ಡಾ (ಓಂಪೋಕ್ ಪಬ್ಡಾ), ಅನಾಬಾಸ್/ಕೋಯಿ (ಅನಾಬಾಸ್ ಟೆಸ್ಟುಡಿನಿಯಸ್), ಪಂಗಾಸಿಯಸ್ (ಪಂಗಾಸಿಯಾನೋಡನ್ ಹೈಪೋಫ್ಥಾಲ್ಮಸ್) ನಂತಹ ಗಾಳಿಯಲ್ಲಿ ಉಸಿರಾಡುವ ಮೀನುಗಳು.
• ಸಾಮಾನ್ಯ ಕಾರ್ಪ್ (ಸಿಪ್ರಿನಸ್ ಕಾರ್ಪಿಯೊ), ರೋಹು (ಲೇಬಿಯೊ ರೋಹಿತಾ), ಟಿಲಾಪಿಯಾ (ಒರಿಯೊಕ್ರೊಮಿಸ್ ನಿಲೋಟಿಕಸ್), ಮಿಲ್ಕ್ ಫಿಶ್ (ಚಾನೋಸ್ ಚಾನೋಸ್) ನಂತಹ ಗಾಳಿ-ಉಸಿರಾಡದ  ಮೀನುಗಳು
• ವನ್ನಾಮಿ (ಲಿಟೊಪೆನಿಯಸ್ ವನ್ನಾಮಿ) ಮತ್ತು ಟೈಗರ್ ಸೀಗಡಿ (ಪೆನಿಯಸ್ ಮೊನೊಡಾನ್) ನಂತಹ ಚಿಪ್ಪುಮೀನುಗಳು ಹಾಗೂ ಇತ್ಯಾದಿ.