உங்கள் பயிர்களைத் தாக்கும் இலை துளைப்பார்களை மேலாண்மை செய்வது எப்படி?

காய்கறிகள், பழங்கள், அலங்காரப் பயிர்கள் உள்ளிட்ட பலவகைப் பயிர்களைத் தாக்கி பொருளாதார மகசூல் இழப்பை ஏற்படுத்தும் தீவிர பூச்சிகளில் இலை துளைப்பான்களும் ஒன்றாகும். அவை பொதுவாக மஞ்சள் நிறத்தில் இருந்து பச்சை அல்லது பழுப்பு நிறத்தில் இருக்கும் சிறிய புழுக்கள் போன்றவை. அவை துளையிடும் மற்றும் உறிஞ்சும் வகை வாய்ப்பகுதியைக் கொண்டுள்ளன. அவை தாவரத்தின் திசுக்களை சுரண்டி உண்கின்றன. லார்வாக்களின் உணவுண்ணும் செயல்பாடு இலையின் மேற்பரப்பில் தனித்துவமான பாதைகள் அல்லது சுரங்கங்களை உருவாக்குகிறது. இலை துளைப்பான்களின் வகையைப் பொறுத்து இந்த சுரங்கப் பாதைகளின் வடிவம் மற்றும் அளவு மாறுபடும்.

இலை துளைப்பான்கள் பயிர்களுக்கு குறிப்பிடத்தக்க சேதத்தை ஏற்படுத்தும். இது அவற்றின் வளர்ச்சி மற்றும் மகசூலைப் பாதிக்கலாம். இலை துளைப்பானை திறம்பட நிர்வகிப்பதற்கு, சரியான நேரத்தில் கண்டறிதல் மற்றும் பயிரின் மீதான அவற்றின் தாக்கத்தைக் குறைக்க பல கட்டுப்பாட்டு நடவடிக்கைகள் தேவை.

இலை துளைப்பான்களின் பல்வேறு வகைகள்

• லிரியோமைசா ஸ்பீசியஸ் – இலை துளைப்பான்களின் இந்த இனமானது மிகவும் அழிவுகரமான மற்றும் பரவலாகக்  காணப்படக்கூடியது. பீன்ஸ், பட்டாணி, தக்காளி மற்றும் அலங்காரச் செடிகள் போன்ற பல்வேறு வகையான பயிர்களை தாக்கும் திறன் கொண்டது. லிரியோமைசா ஹுய்டோப்ரென்சிஸ், லிரியோமைசா ட்ரைஃபோலி மற்றும் லிரியோமைசா சட்டைவா உள்ளிட்டவை இவற்றுள் சில இனங்கள் ஆகும்.
• குரோமடோமியா ஹார்டிகோலா – பீன்ஸ், பட்டாணி மற்றும் உருளைக்கிழங்கு போன்ற பல காய்கறி பயிர்களைத் தாக்கக்கூடிய முக்கிய பூச்சி இது.
• டியூட்டா அப்சல்யூட்டா – இது தக்காளி பயிரின் முக்கிய பூச்சியாகும். இது தக்காளி செடிகளின் இலைகள், தண்டுகள் மற்றும் பழங்களை லார்வாக்கள் உண்பதால் அதிக சேதத்தை ஏற்படுத்துகிறது மற்றும் விளைச்சலைக் குறைக்கிறது.
• பைலோக்னிஸ்டிஸ் சிட்ரெல்லா – இது சிட்ரஸ் இலை துளைப்பான். இது சிட்ரஸ் செடிகளை பாதிக்கிறது.
• பெகோமியா ஹையோசையமி – இது பசலைக் கீரை மற்றும் முள்ளங்கியில் தாக்கும் கீரை இலை துளைப்பான்கள் வகையைச் சார்ந்தது.

புரவலன் பயிர்கள்

இலை துளைப்பான்கள் காய்கறிகள், பழங்கள் மற்றும் அலங்காரப் பொருட்கள் உட்பட பல்வேறு வகையான தாவரங்களைத் தாக்குகின்றன. தக்காளி உருளைக்கிழங்கு, வெண்டை, சிட்ரஸ், கீரை, மிளகு, பட்டாணி, பீன்ஸ், பீட்ரூட், வெள்ளரிகள் மற்றும் குருசிஃபெரஸ் குடும்பத்தைச் சார்ந்த காய்கறிகள் பொதுவாக பாதிக்கப்படுகிறது.

பயிர்களில் இலை துளைப்பான் தாக்குதலின் அறிகுறிகள்

• இலை மேற்பரப்பில் நிறமாற்றம் அல்லது பழுப்பு நிற திட்டுகளாக தோன்றும் ஆழமற்ற சுரங்கங்கள் அல்லது பாதைகளை உருவாக்குவதன் மூலம் லார்வாக்கள் இலைகளின் உட்புற திசுக்களை உண்கின்றன.
• இலைகளின் கீழ் அல்லது மேல் மேற்பரப்பில் லார்வாக்களின் சுரங்க நடவடிக்கை காரணமாக இலைகள் சுருண்டுவிடும்.
• பாதிக்கப்பட்ட இலைகள் வெளிர் அல்லது மஞ்சள் நிறமாக தோன்றலாம் மற்றும் கடுமையான சந்தர்ப்பங்களில், அவை பழுப்பு நிறமாகி வாடிவிடும்.
• பாதிக்கப்பட்ட தாவரத்தின் இலைகள் சிதையும் அல்லது சுருங்கும்.
• கடுமையான இலை துளைப்பான் தாக்குதலினால் பாதிக்கப்பட்ட தாவரத்தின் வளர்ச்சி குன்றியதால், விளைச்சல் குறைவதற்கும், தரம் குறைந்த விளைச்சலுக்கும் வழிவகுக்கும்.
• பாதிக்கப்பட்ட இலைகள் உலர்தந்து போதல் மற்றும் முதிர்ச்சி அடைவதற்கு முன்பே உதிர்ந்து விடும்.
• லார்வாக்களின் உணவு உண்ணும் செயல்பாடு தாவரத்தை பலவீனப்படுத்தலாம். இது மற்ற பூச்சிகள் மற்றும் நோய்த்தொற்றின் இரண்டாம் மூலத்தின் காரணமாக சிட்ரஸ் கேன்கர் போன்ற நோய்களுக்கு மிகவும் எளிதில் பாதிக்கப்படுகிறது.

இலை துளைப்பான் தாக்குதல் நிகழ்வுக்கான சாதகமான நிலைமைகள்

சூடான வெப்பநிலை, அதிக ஈரப்பதம், புரவலன் பயிர்களின் இருப்பு, ஒற்றைப்பயிர் சாகுபடி, தாவர குப்பைகள் இருப்பது, பூச்சிக்கொல்லிகளின் அதிகப்படியான பயன்பாடு ஆகியவை இலை துளைப்பான் தொல்லைக்கு சாதகமாக இருக்கும்.

தடுப்பு நடவடிக்கைகள்

• பாதிக்கப்பட்ட இலைகள் மற்றும் பயிர் குப்பைகளை அகற்றி அழிப்பதன் மூலம் வயல் சுகாதாரத்தை பராமரிக்கவும்.
• ஒட்டும் பொறிகளைப் பயன்படுத்துவது இலைச் சுரங்கத் தொழிலை ஆரம்பத்திலேயே கண்டறிந்து, சரியான நேரத்தில் கட்டுப்படுத்த அனுமதிக்கும்.
• ஒட்டுண்ணி குளவிகள் மற்றும் வேட்டையாடும் பூச்சிகள் போன்ற உயிரியல் கட்டுப்பாட்டு முகவர்களின் வெளியீடு இலை துளைப்பான்களை கட்டுப்படுத்தப் பயன்படுத்தப்படலாம்.
• இலை மேற்பரப்பில் வேப்ப எண்ணெய் தெளித்தல்.
• உரங்களின் உகந்த பயன்பாடு
• வயலில் நீர் அழுத்த சூழ்நிலைகளைத் தவிர்க்கவும். ஏனெனில் இது தாவரங்களை வலுவிழக்கச் செய்யும்.
• புரவலன் அல்லாத பயிர்களுடன் பயிர் சுழற்சி மேற்கொள்ளுதல்.
• பிரதிபலிப்பு தழைக்கூளம் அல்லது மூடாக்கு இடுதல்.
• வார இடைவெளியில் பயிர்களில் இலை துளைப்பான் தொற்றுக்கான அறிகுறிகள் தென்படுகிறதா என்பதை, தொடர்ந்து கண்காணிக்கவும்.

பயிர்களில் இலை துளைப்பான் தாக்குதலுக்கான ஒருங்கிணைந்த மேலாண்மை

(குறிப்பு: இலைத் துளைப்பான்களை திறம்பட கட்டுப்படுத்துவதற்கு, இலைகளில் உள்ள முட்டைகள் மற்றும் லார்வாக்கள், மண்ணில் உள்ள இப்பூச்சிகளின் பியூபா மற்றும் தாவரங்களில் உள்ள முதிர்ந்த புழுக்கள் ஆகியவைகளை ஒருங்கிணைந்த முறைகளின் மூலம் கொல்லப்பட வேண்டும். இலைத் துளைப்பான்களைக் கட்டுப்படுத்த டிரான்ஸ்லேமினார் அல்லது முறையான செயல்பாட்டு முறை கொண்ட பூச்சிக்கொல்லிகளைப் பயன்படுத்தலாம். பயன்பாட்டின் சரியான நேரத்தை அறிய பயன்படுத்துவதற்கு முன் தயாரிப்பு லேபிளைப் படிக்கவும்.)

முடிவுரை

இலைத் துளைப்பான்கள், தாவர வளர்ச்சியைக் குறைத்து மகசூல் குறைவதோடு, பயிர்களின் ஒட்டுமொத்த உற்பத்தித் திறனையும் பாதிக்கும். இலைத் துளைப்பான்களின் ஒருங்கிணைந்த மேலாண்மை என்பது, தடுப்பு மற்றும் மேலாண்மை நடவடிக்கைகளின் கலவையை உள்ளடக்கியது. இதன் மூலம் இலைத் துளைப்பான்களின் தாக்குதலைத் திறம்பட கட்டுப்படுத்தலாம் மற்றும் பயிர் சேதத்தைக் குறைக்கலாம். உயிரியல் கட்டுப்பாட்டு நடவடிக்கைகள் ஆரம்ப நிலையிலேயே தொற்றுகளைக் கண்டறிந்து கட்டுப்படுத்த பயன்படும். கடுமையான சந்தர்ப்பங்களில், இரசாயன கட்டுப்பாடு அவசியமாக இருக்கலாம். ஆனால் இது ஒரு கடைசி முயற்சியாக மட்டுமே பயன்படுத்தப்பட வேண்டும் மற்றும் நன்மை பயக்கும் பூச்சிகள் மற்றும் மகரந்தச் சேர்க்கைகளுக்கு தீங்கு விளைவிப்பதைத் தடுக்க எச்சரிக்கையுடன் பயன்படுத்தப்பட வேண்டும்.