பசுமைக்குடிலில் இயற்கை மஞ்சள் சாகுபடி

தாவரவியல் ரீதியாக குர்குமா லாங்கா என்று அழைக்கப்படும் மஞ்சள், ஜிங்கிபெரேசி குடும்பத்தைச் சேர்ந்தது – இஞ்சியின் அதே குடும்பம். மஞ்சள் இந்தியாவின்  பிரபலமான மசாலா. தங்க மஞ்சள் நிறம் காரணமாக இது ‘இந்தியாவின் திட தங்கம்’ மற்றும் ‘இந்திய குங்குமப்பூ’ என்று செல்லப்பெயர் பெற்றது. இது ஆசிய உணவுகளில் குறிப்பாக இந்திய கறி தயாரிப்புகளில் பிரிக்க முடியாத ஒரு பொருளாகும்.

மஞ்சள் என்பது நோய் எதிர்ப்பு திறன் மற்றும் ஊட்டச்சத்துக்கள் நிரப்பப்பட்ட ஒரு சுவையூட்டும் பொருளாகும். குக்குர்குமின் என்பது தாவர நிறமி ஆகும், இது மஞ்சளை அதன் துடிப்பான நிறத்துடன்  இருக்க உதவும்.

பசுமைக்குடில் மஞ்சளுக்கேற்ற மண் மற்றும் தட்பவெப்பநிலை

கறுப்பு களிமண், செறிவான களிமண் அல்லது சிவப்பு மண் ஆகியவை மஞ்சள் விவசாயத்திற்கு சரியான மண்வகையாகும். காரத்தன்மை அல்லது தண்ணீர் தேங்கி இருந்தால்  பசுமைக்குடில் அமைப்பில் மஞ்சள் உற்பத்தியை அழித்துவிடும்.

மஞ்சளுக்கு சூடான மற்றும் ஈரப்பதமான வானிலை மற்றும் 1500 மிமீ அல்லது அதற்கு மேற்பட்ட மழைப்பொழிவுடன் 20-30 டிகிரி வெப்பநிலை மஞ்சள் சாகுபடிக்கு உகந்தது. முறையான நீர்ப்பாசனத்துடன் முன்னதாக நடப்பட்ட மஞ்சள் பசுமைக்குடிலில் அதிக மகசூலைத் தரவல்லது.

பசுமைக்குடிலில் மஞ்சள் விவசாயம் செய்யும் முறைகள்

பசுமைக்குடிலில் மஞ்சள் சாகுபடி செய்ய இரண்டு குறிப்பிட்ட முறைகள் உள்ளன:

வரப்பு மற்றும் வாய்க்கால் முறை

இந்த முறை அதிக அளவில் களிமண் உள்ள இடங்களில் மற்றும் வாய்க்கால் பாசனம் பயன்படுத்தும் இடங்களில் பின்பற்றப்படுபவை. ஒவ்வொரு கால்களுக்கிடையே 75 செமீ இடைவெளி இருக்க வேண்டும்.மேலும் அவற்றின் நீளம் 3.35 மீட்டர் இருக்க வேண்டும்.

மட்டப்பாத்தி முறை

பாலிஹவுஸில் வடிவமைக்கப்பட்ட ஏற்ற இறக்கங்களை பொறுத்து 1மீ அகலம் மற்றும் நீளத்தில் மட்டப்பாத்தி தயாரிக்கப்படுகின்றன. மணல் கலந்த களிமண் பகுதியில் இம்முறை பயன்படுகிறது. இயற்க்கை முறையில் பசுமைக்குடிலில் வளர்க்கப்படும் மஞ்சளை குடுவை அல்லது தொட்டியில் வளர்க்கலாம். இவ்வாறு செய்யும்பொழுது இதனுடன் ஊடுபயிராக வெங்காயம், இஞ்சி  போன்றவற்றை நடவுசெய்யலாம்.

பசுமைக்குடிலில் இயற்கை மஞ்சள்  நடவு

• ஒரு பசுமைக்குடிலில் மஞ்சள் நடவு செய்யும் போது, ​​நடவு வரிசைகளுக்கு இடையே 20-25 செ.மீ இடைவெளியை தயார் செய்து, மண் மற்றும் 25 கிராம் தூள் செய்யப்பட்ட வேப்பம் புண்ணாக்கு கலவையை ஒவ்வொரு வரிசையிலும் நன்றாக கலக்குமாறு செய்யவேண்டும். ஆரோக்கியமான வேர்த்தண்டுக்கிழங்கு விதைகளைத் தேர்ந்தெடுத்து, அவற்றை குழிகளில் போட்டு, நல்லமுறையில் கலந்த நன்கு மக்கிய உரம் கொண்டு அவற்றை மூடவேண்டும்.
• 10 கிராம் தொழு உரம் மற்றும் ட்ரைக்கோடெர்மாவைக் கலக்கும்பொழுது, இவை உயிர் உரமாகச் செயல்பட்டு, பயிர் வாழ்நாள் முழுவதும் பூச்சி மற்றும் நோய் தாக்காமல் பாதுகாக்கிறது.

நீர்நிர்வாகம் மற்றும் மஞ்சளின் அறுவடை

வேர்த்தண்டுக்கிழங்குகள் மற்றும் ஒட்டுமொத்த பயிர்களின் வளர்ச்சிக்கு விதைப்பதற்கு முன்னும் பின்னும் நீர்ப்பாசனம் அவசியம். மஞ்சள் பயிர் காலம் 7-9 மாதங்கள் ஆகும், இது பல்வேறு வகைகளில் மாறுபடும்.

7-10 நாட்கள் இடைவெளியில் நீர்ப்பாசனம் செய்வது மஞ்சளுக்குத் தேவையானது, ஆனால் அதற்கு மேல் தண்ணீர் விடாதீர்கள். ஒட்டுமொத்தமாக, ஒரு பயிர் சாகுபடிக்கு 20-25 நாட்கள் நீர்ப்பாசனம் மட்டுமே  பரிந்துரைக்கப்படுகிறது. அதற்க்கு மேல் கடந்தால் செடிக்கு நோய் தாக்கம் அதிகமாகும்.

நடவு செய்த சுமார் 7-9 மாதங்களில், பயிர்கள் அறுவடைக்குத் தயாராகிவிடும், மேலும் பசுமைக்குடிலில் எளிதாகத் கைகளினாலே அறுவடை செய்யலாம். தாய் வேர்த்தண்டுக்கிழங்குகளிலிருந்து விரலிகளை பிரிக்கப்பட்டு சேமிக்கப்படவேண்டும். இவ்வாறு சேமிக்கப்பட்டால், இது அடுத்த நடவிற்கு பயன்படும்.

மகசூல்

ஒரு ஏக்கருக்கு மஞ்சள் மகசூல் சுமார் 8-10 டன்கள், அதுவும் சில நேரங்களில் ஏற்ற இறக்கமாக இருக்கும்.