தக்காளி பாக்டீரியல் இலைப்புள்ளி நோயை நிர்வகிப்பதற்கான கரிம கட்டுப்பாட்டு நடவடிக்கைகள்

பாக்டீரியல் இலைப்புள்ளி என்பது தக்காளி பயிரிடப்படும் இடங்களில், உலகம் முழுவதும் தக்காளியைத் தாக்கக்கூடிய ஒரு பொதுவான நோயாகும். இது தக்காளியின் ஆரம்பகட்ட வளரும் பருவத்தில் தாவரங்களின் இலைகளைக் கடுமையாக பாதிக்கும். மேலும், படிப்படியாக விளைச்சலைக் குறைக்கிறது. தக்காளி பழத்தில் அறிகுறிகள் காணும்போது, இந்த நோய் பயிரின் தரத்தில் (வணிக ரீதியாக தக்காளி விவசாயிகளுக்கு சந்தைப்படுத்துதலில்) அதிக தாக்கத்தை ஏற்படுத்துகிறது. நோயின் முக்கிய பொருளாதார விளைவு பழங்களின் எடை மற்றும் பழங்களின் தரம் குறைதல் ஆகும். பழங்களில் பாக்டீரியா புள்ளிகள் 52% வரை பழங்களின் எடை இழப்புக்கு காரணமாக அமைகிறது. அதே நேரத்தில் பாக்டீரியல் இலைப்புள்ளி நோயால் ஏற்படும் மகசூல் இழப்பு பயிர் வளர்ச்சியின் ஆரம்ப கட்டத்தில் பாதிக்கப்பட்ட தாவரங்களில் 75% முதல் பருவத்தில் பாதிக்கப்பட்ட தாவரங்களில் 5% வரை மாறுபடும்.

• தொற்று வகை: நோய்
• பொதுவான பெயர் பாக்டீரியல் இலைப்புள்ளி நோய்
• அறிவியல் பெயர்: சூடோமோனாஸ் சிரிங்கே pv. தக்காளி
• தாவர நோய் வகை: பாக்டீரியா
• பரவும் முறை: விதை மூலம்
• மிகவும் பாதிக்கப்பட்ட தாவர பகுதி: இலைகள் மற்றும் பழங்கள்

நோய் வளர்ச்சிக்கு சாதகமான சுற்றுச்சூழல் காரணிகள்

• வெப்பநிலை: பாக்டீரியாக்கள் 18°C முதல் 24°C வரை வளரும்.
• சார்பு ஈரப்பதம்: 80-85% சார்பு ஈரப்பதத்தில் அதிக வித்திகள் காணப்படுகின்றன.

இந்தியாவில் அதிகம் பாதிக்கப்பட்ட மாநிலங்கள்

மகாராஷ்டிரா மற்றும் கர்நாடகா

அறிகுறிகள்

அ. ஆரம்ப அறிகுறிகள்

இலைகளில் சிறிய கரும்புள்ளிகளின் (தோராயமாக கால் முதல் அரை அங்குல விட்டம் வரை) அறிகுறிகளைக் காட்டுகிறது. அவை பெரும்பாலும் இலைகளின் அடிப்பகுதியில் அதிகமாகக் காணப்படும். பின்னர் புள்ளிகள் மஞ்சள் நிற ஒளிவட்டமாக மாறுகிறது. இது இலையின் விளிம்பில் உருவாகலாம். பழத்தின் மேற்பரப்பில் உள்ள புள்ளிகள் மிகச் சிறியவை (கிட்டத்தட்ட ஊசி குத்தியது போன்று) மற்றும் இது பழத்தின் திசுக்களில் ஆழமாக ஊடுருவாது.

ஆ. கடுமையான அறிகுறிகள்

புள்ளிகள் உயர்ந்து, தட்டையாக அல்லது மூழ்கி, பழுப்பு நிறத்தில் இருந்து கருப்பு நிறத்தில் இருக்கும். புள்ளிகள் பெரும்பாலும் அடர் பச்சை நிற ஒளிவட்டத்துடன் பழுக்காத, பச்சை நிறப் பழங்களில் தோன்றும். அதே சமயம் பழுத்த பழங்களில் புள்ளிகள் நுட்பமான, மஞ்சள் நிற ஒளிவட்டத்தைக் கொண்டிருக்கும்.

தக்காளியில் உள்ள பாக்டீரியல் இலைப்புள்ளி நோய்க்கான உயிரியல் கட்டுப்பாட்டு நடவடிக்கைகள்

நோய்த்தடுப்பு

நோய்க்கான தீர்வு

தயாரிப்பு விவரங்கள்

1. சைமோ BLT100: இது தூள் வடிவில் கிடைக்கிறது மற்றும் இதில் NON-GMO (மரபணு மாற்றம் செய்யப்படாத/அல்லாத உயிரியல்கள், லைசிங் பயோகேடலிஸ்ட்கள், நிலைப்படுத்திகள் மற்றும் பயோ-என்ஹான்சர்கள் போன்றவை உள்ளன. இது ஒரு பரந்த நிறமாலை கொண்ட உயிரி முகவர் ஆகும். தக்காளியின் முன்பருவை இலை கருகல், பின் பருவ இலை கருகல் மற்றும் செப்டோரியா இலைப்புள்ளி நோய்களுக்கு எதிராக பரிந்துரைக்கப்படுகிறது. சைமோ BLT 100 + ஜிமோ மேக்ஸ் ஸ்பெரெட் ஆகிய இரண்டையும் முன்பருவ மற்றும் பின் பருவ  இலைக்கருகல் மற்றும் தக்காளியின் செப்டோரியா இலைப்புள்ளி நோய்களுக்கு எதிராக தடுப்பு நடவடிக்கையாக பயன்படுத்தலாம். இந்த இரண்டு உயிர் பூச்சிக்கொல்லி மருந்துகளுடன் ஜிமோ பயோகார்டு  அதே நோய்களுக்கான கட்டுப்பாடு தெளிப்பாக தெளிக்கப்படுகிறது.
2. ஜிமோ தைமோக்ஸ்: இது ஒரு செறிவூட்டப்பட்ட பரந்த நிறமாலை கரிம பூஞ்சை மற்றும் பாக்டீரியா கட்டுப்படுத்தும் முகவர் ஆகும். இத்தயாரிப்பு தாவரவியல் சாறுகள் செறிவு, தாவர எண்ணெய்கள், நிலைப்படுத்திகள் மற்றும் துணை பொருட்கள் போன்ற தேர்ந்தெடுக்கப்பட்ட கலவையை கொண்டுள்ளது.
3. சைமோ மேக்ஸ் ஸ்பெரெட்: இது திரவ வடிவில் கிடைக்கிறது. இது தெளிக்கப்பட்ட பகுதிகளில் உயிர் பூச்சிக்கொல்லியை சீராகப் பரப்புவதற்கு உதவியாக இருக்கும். இதை அனைத்து பயிர்களுக்கும் பயன்படுத்தலாம். இது நீரின் மேற்பரப்பு பிணைப்பை உடைத்து, தெளிப்பு கரைசலை ஈரமாக்குவதையும் பரப்புவதையும் அதிகரிக்கிறது.

தயாரிப்பு பற்றிய கூடுதல் விவரங்களுக்கு, பின்வரும் பக்கத்தைப் பார்வையிடவும்.