యాలకులను సుగంధ ద్రవ్య పంటలలో రాణిగా పరిగణిస్తారు. యాలకులను భారతదేశంలో పశ్చిమ కనుమలలో ఉద్భవించిన పంట. ప్రపంచంలో, అత్యధిక ధరలు ఉన్న సుగంధ ద్రవ్య పంటలలో, యాలకుల పంట కూడా ఒకటి. ప్రపంచంలో యాలకులను పండిస్తున్న దేశాలలో గౌతమేల తర్వాత భారతదేశం రెండవ స్థానంలో ఉంది. భారతదేశం 15,000 వేల టన్నులు యాలకులను ఎగుమతి చేస్తుంది. భారతదేశంలో కర్ణాటక, తమిళనాడు మరియు కేరళ రాష్ట్రాలలో యాలకులను పండిస్తారు. యాలకులు ఎండిన కాయవలె విత్తనాలు కలిగి ఉంటుంది. యాలకులు పంట ఒక శాశ్వత పంట. యాలకులను ఆహారనిల్వ కోసం కూడా వాడతారు.
యాలకుల విత్తనలు ఎంపిక
యాలకులు అనేక రకాలు ఉన్నాయి, అయితే అందులో రెండు ప్రధాన రకాలు ఉన్నాయి. శ్రీలంక మరియు ఎలెట్టేరియా కార్డమోమమ్ మేటన్. మైసూర్, మలబార్ మరియు వజ్హుక్కా తక్కువ ప్రాధాన్యత గల రకాలు. ICRI 1,2,3: TDK 4 మరియు 11, PV 1, CCS 1,మధుగిరి 1 మరియు 2; NCC200; MCC 12,16 మరియు 40 ; RR1 మొదలైనవి ప్రధాన హైబ్రిడ్ రకాలు.
యాలకుల విత్తన శుద్ధి విధానం
యాలకులను పిలకలు, కత్తిరించిన కొమ్మలు లేదా విత్తనాల ద్వారా సాగు చేస్తారు. విత్తనాలను సల్ఫ్యూరిక్ ఆమ్లం లేదా హైడ్రోక్లోరిక్ ఆమ్లములో 20 నిమిషాలు ఉంచి విత్తన శుద్ధి చేసుకోవాలి. తరువాత విత్తనాలను ఖనిజరహిత నీటితో కడగాలి. విత్తనాలను నీడ ప్రదేశంలో ఆరబెట్టిన తరువాత నాటుకోవాలి.
యాలకుల సాగుకు నారు మడి తయారీ విధానం
యాలకుల పిలకలను 1.8 మి x 0.6 మీటర్ల అంతరంతో నాటుకోవాలి (క్లోనల్ నర్సరీ హెక్టారుకు 6800 మొక్కలను నాటుకోవాలి) యాలకులను తేలికైన సంచులలో పెంచుతారు. కట్టెలు పాతుకొని నీడ వచ్చేలాగా పైన కట్టుకొని నర్సరీని సాగు చేస్తారు. మొలకలను 20 x 20సెం.మి సంచులలో నాటుకోవాలి. 18- 22 నెలల వయసున్న మొలకలను ప్రధాన పొలంలో నాటుకోవచ్చు.
యాలకుల సాగు కోసం నేల తయారు చేసే విధానం
నేలని మూడు లేదా నాలుగు సార్లు దున్నుకోవాలి. చివరి దుక్కిలో హెక్టరుకు 12 టన్నుల సేంద్రీయ ఎరువుల మిశ్రమం; 35:35:75 కేజీల N P K హెక్టరుకు వేసుకోవాలి. 60 సెం x 60 సెం మి x 60 సెం మి సైజులలో గుంతలు చేసుకొని దానిలో సేంద్రీయ ఎరువుల మిశ్రమం మరియు మట్టితో నింపుకోవాలి. యాలకులను సాధారణంగా అయితే వర్షాధార పంట లాగా సాగు చేసినప్పటికీ, ఎండకాలంలో పంటకు నీరు స్ప్రింక్లర్ల ద్వారా అందించాలి. పెరిగే రకాలను 2.5 x 2.0 మీటర్ల అంతరంలో నాటుకోవాలి, చిన్న రకాలను 2.0 x 1.5 మీటర్ల అంతరంలో నాటుకోవాలి. యాలకులను మాములుగా కొండ ప్రాంతాలలో ఎక్కువగా సాగు చేస్తారు కాబట్టి వాలు ఉండే ప్రాంతంలో ఆకృతులను ఏర్పరుచుకోవాలి.
యాలకుల కోసం సాగు కోసం నేలల ఎంపిక
యాలకులు అడవి పంట కాబట్టి సారవంతమైన నీరు నిలువని అడవి నేలలు అనుకూలం. ఉదజని సూచిక 5.0 – 6.5 ఉన్న ఆమ్ల నేలలు యాలకుల సాగుకు అనువైనవి.
శీర్షిక
అత్యధిక ధరలు ఉన్న సుగంధ ద్రవ్య పంటలలో, యాలకుల పంట కూడా ఒకటి. యాలకుల పంట సాగు సులభం కానప్పటికి, సాగు చేయడానికి అయ్యే కూలీల ఖర్చు మరియు ఇతర ఖర్చుల పైన కచ్చితమైన ఆదాయం ఇస్తుంది. యాలకులకు ఎక్కువ నిర్వహణ మరియు నీరు అవసరం లేని పంట. యాలకుల స్థిరంగా ఎదిగే దశకు చేరుకుంటే, ఎక్కువ నిర్వాహణ అవసరం లేకుండా లాభాలను పొందవచ్చు.
