2022-23ನೇ ಸಾಲಿನ ಎರಡನೇ ಮುಂಗಡ ಅಂದಾಜು ಬೆಳೆ ಉತ್ಪಾದನೆಯ ಮೇಲೆ ಭಾರತದ ಕೃಷಿಕ್ಷೇತ್ರದ ಬೆಳವಣಿಗೆ ಅವಲಂಬಿಸಿದೆ

ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯವು, 2022-23ನೇ ಸಾಲಿನ ಪ್ರಮುಖ ಕೃಷಿ ಬೆಳೆಗಳ ಉತ್ಪಾದನೆಯ ಎರಡನೇ ಮುಂಗಡ ಅಂದಾಜನ್ನು ಬಿಡುಗಡೆ ಮಾಡಿದೆ. ಪ್ರಸಕ್ತ ಸಾಲಿನ ಒಟ್ಟು ಆಹಾರ ಧಾನ್ಯಗಳ ಉತ್ಪಾದನೆ 3235.54 ಲಕ್ಷ ಟನ್‌ಗಳು ಎಂದು ಅಂದಾಜಿಸಲಾಗಿದ್ದು, ಇದು ಕಳೆದ ಸಾಲಿನ ಉತ್ಪಾದನೆಗಿಂತ ಅಧಿಕವಾಗಿದೆ.  ಜೊತೆಗೆ ಇತರ ಬೆಳೆಗಳಾದ ಭತ್ತ, ಗೋಧಿ, ಜೋಳ, ಪೌಷ್ಠಿಕ/ಒರಟಾದ ಧಾನ್ಯಗಳು, ಮೂಂಗ್, ದ್ವಿದಳ ಧಾನ್ಯಗಳು, ಎಣ್ಣೆಕಾಳುಗಳು, ಹತ್ತಿ ಮತ್ತು ಸೆಣಬು & ಮೇಸ್ತ ಬೆಳೆಗಳ ಅಂದಾಜು ಉತ್ಪಾದನೆಯು ಕಳೆದ ಸಾಲಿಗಿಂತ ಹೆಚ್ಚಾಗಿದೆ.

         ರಾಜ್ಯಗಳು ಮತ್ತು ಇತರ ಮೂಲಗಳಿಂದ ಉತ್ಪಾದನೆ ಕುರಿತು ದೊರೆತ ಮಾಹಿತಿಯನ್ನು ಆಧರಿಸಿ  ತದನಂತರ ಇದಕ್ಕೆ ಸಂಬಂಧಿಸಿದಂತೆ ಇತರೆ ಆಧಾರಗಳ ಮೇಲೆ ಸದರಿ ಮಾಹಿತಿಯನ್ನು ಪರಷ್ಕರಿಸಲಾಗುತ್ತದೆ. ಕೇಂದ್ರ ಸರ್ಕಾರದ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವರಾದ ಮಾನ್ಯಶ್ರೀ ನರೇಂದ್ರ ಸಿಂಗ್ ತೋಮರ್ ರವರು ಉತ್ಪಾದನೆಯ ಹೆಚ್ಚಳವನ್ನು ಪ್ರೇರೇಪಿಸಿ, ಮುಂದಿನ ಸಾಲಿನಲ್ಲಿ ಇನ್ನಷ್ಟು ಅಧಿಕ ಉತ್ಪಾದನೆಯನ್ನು ಸಾಧಿಸುವ ಭರವಸೆಯನ್ನು ವ್ಯಕ್ತಪಡಿಸಿದರು.

ಮುಖ್ಯಾಂಶಗಳು

•     2022-23ನೇ ಸಾಲಿನ ಆಹಾರ ಧಾನ್ಯದ ಅಂದಾಜು ಉತ್ಪಾದನೆಯು 3235.54 ಲಕ್ಷ ಟನ್‌ಗಳ ದಾಖಲೆಯಾಗಿದೆ.
•     ಭತ್ತ, ಗೋಧಿ, ಜೋಳ, ಪೌಷ್ಠಿಕ/ಒರಟಾದ ಧಾನ್ಯಗಳು, ಮೂಂಗ್, ದ್ವಿದಳ ಧಾನ್ಯಗಳು, ಎಣ್ಣೆಕಾಳುಗಳು, ಹತ್ತಿ ಮತ್ತು ಸೆಣಬು ಮತ್ತು ಮೇಸ್ತ ಬೆಳೆಗಳ ಅಂದಾಜು ಉತ್ಪಾದನೆಯು ಕಳೆದ ಸಾಲಿಗಿಂತ ಹೆಚ್ಚಾಗಿದೆ.
•     ಉತ್ಪಾದನೆಯ ಮೌಲ್ಯಮಾಪನವು ರಾಜ್ಯ ಮತ್ತು ಇತರ ಮೂಲಗಳಿಂದ ಆಧರಿಸಿದ್ದು, ಮುಂದಿನ ಪರಿಷ್ಕರಣೆಗೆ ಕೂಡ ಸದರಿ ಮೂಲಗಳನ್ನು ಅವಲಂಬಿಸಿರುತ್ತದೆ.
•     2023ನೇ ಸಾಲನ್ನು ಅಂತಾರಾಷ್ಟ್ರೀಯ ಸಿರಿಧಾನ್ಯ ವರ್ಷ ಎಂದು ವಿಶ್ವಸಂಸ್ಥೆಯು ಘೋಷಿಸಿದೆ.
•     ಇತ್ತೀಚೆಗೆ, ಮಾನ್ಯಶ್ರೀ ಪ್ರಧಾನ ಮಂತ್ರಿಗಳಾದ ನರೇಂದ್ರ ಮೋದಿಯವರು ಸಿರಿ ಧಾನ್ಯಗಳು/ಪೌಷ್ಟಿಕ ಧಾನ್ಯಗಳಿಗೆ ‘ಶ್ರೀ ಅನ್ನ‘ ಎಂಬ ಹೆಸರನ್ನು ನೀಡಿರುತ್ತಾರೆ.

2022-23ನೇ ಸಾಲಿನ ಎರಡನೇ ಮುಂಗಡ ಅಂದಾಜು ಬೆಳೆ ಉತ್ಪಾದನೆಯ ಬೆಳೆ-ವಾರು ವರದಿ :