உள்நாட்டு தொழில்களை மேம்படுத்தும், ஒரு மாவட்டம் ஒரு தயாரிப்புத் திட்டம்!

ஒரு மாவட்டம் ஒரு தயாரிப்புத் திட்டம் (ODOP), 2018 ஆம் ஆண்டில் இந்திய அரசால் தொடங்கப்பட்டது. இது நாடு முழுவதும் பாரம்பரிய மற்றும் உள்நாட்டுத் தொழில்களை மேம்படுத்துவதை நோக்கமாகக் கொண்ட ஒரு முயற்சியாகும். நாட்டில் உள்ள ஒவ்வொரு மாவட்டத்திலும் நிலையான வேலை வாய்ப்புகளை உருவாக்கும் மற்றும் உள்ளூர்ப் பொருளாதாரத்திற்கு பங்களிக்கும் திறன் கொண்ட ஒரு குறிப்பிட்டத் தயாரிப்புகளை கண்டறிந்து மேம்படுத்துவதே இத்திட்டத்தின் முதன்மை நோக்கமாகும். 

இந்த திட்டமானது பாரம்பரியத் தயாரிப்புகளின் சந்தைப்படுத்தல் மற்றும் விற்பனையை மேம்படுத்த பிராண்டிங், வடிவமைப்பு மற்றும் பேக்கேஜிங் ஆகியவற்றிற்கான ஆதரவையும் வழங்குகிறது. ஒவ்வொரு மாவட்டத்திலும் குறிப்பிட்டத் தயாரிப்புகளின் வளர்ச்சியில் கவனம் செலுத்துவதன் மூலம், ODOP திட்டம் உள்ளூர் வேலை வாய்ப்புகளை உருவாக்குவதையும், அந்த மாவட்டங்களில் உள்ள மக்களின் சமூகப் பொருளாதார நிலைமைகளை மேம்படுத்துவதையும் நோக்கமாகக் கொண்டுள்ளது. 

திட்ட மேலோட்டம் 

• திட்டத்தின் பெயர்: ஒரு மாவட்டம் ஒரு தயாரிப்புத் திட்டம் (ODOP)
• திட்டம் மாற்றப்பட்ட ஆண்டு: N/A
• திட்ட நிதி ஒதுக்கீடு: ரூ.5,000 கோடி
• அரசுத் திட்டத்தின் வகை: மத்திய அரசுத் திட்டம்
• நிதியுதவி / துறை திட்டம்: நிதியுதவி செய்யப்பட்டத் திட்டம்
• விண்ணப்பிக்க வேண்டிய இணையதளம்: https://odop.gov.in/
• உதவி எண்: 1800115565

திட்டத்தின் அம்சங்கள்

ODOP திட்டம் பற்றிய சமீபத்திய செய்திகள்

நாடு முழுவதும் ODOP தயாரிப்புகளின் விற்பனை மற்றும் கொள்முதலை மேம்படுத்துவதற்காக ODOP GeM பஜார், அரசு இ-சந்தையில் (GeM) தொடங்கப்பட்டது. ஏப்ரல் 2022 ஆம் ஆண்டில் ODOP பிரிவின் மூலம், முழுமையான வளர்ச்சியில் பொது நிர்வாகத்தில் சிறந்து விளங்குவதற்காக மதிப்புமிக்க பிரதம மந்திரி விருதிற்காக ODOP முன்முயற்சி அடையாளம் காணப்பட்டது. பல மாநில அரசுகள் ODOP தயாரிப்புகளை ஊக்கவிக்கவும், மேம்படுத்தவும் நிதி ஒதுக்கீடு செய்துள்ளது. 

மேலும், இந்தத் தயாரிப்புகளில் சந்தைப்படுத்த மற்றும் விற்பனையை மேம்படுத்த நடவடிக்கை எடுத்து வருகின்றது. மத்தியப் பிரதேச அரசு ODOP தயாரிப்புகளுக்கான இ-காமர்ஸ் தளத்தையும் அறிமுகப்படுத்தியுள்ளது. நுகர்வோர் இந்த தளத்தின் மூலம், தயாரிப்புகளை ஆன்லைனில் வாங்குவதை எளிதாக்குகிறது. 

திட்டத்தின் நன்மைகள் 

• ஒரு ஏற்றுமதி மையத்தை உருவாக்க, ஒவ்வொரு பிராந்தியத்திலும் வருங்கால பொருள்களை அடையாளம் காணுதல்.
• உள்ளூர் வணிகங்கள், அவற்றின் உற்பத்தியை அதிகரிக்க உதவுதல். 
• மாவட்டத்தில் வேலை வாய்ப்புகளை உருவாக்குதல், ஏற்றுமதி, உற்பத்தி மற்றும் சேவைத் துறையை மேம்படுத்துதல். 
• மதிப்புச் சங்கிலி மேம்பாடு மற்றும் ஆதரவு உள்கட்டமைப்பின் சீரமைப்பு ஆகியவற்றை ஊக்குவிக்கிறது. 

திட்டத்தின் குறைகள்

ஒரு மாவட்டம் ஒரு தயாரிப்புத் திட்டம் (ODOP), அழுகக் கூடிய பொருள்களின் மீது கவனம் செலுத்துகிறது, அத்தகைய பொருள்களை வளர்க்காத விவசாயிகளுக்கு, இது பயனுள்ளதாக இருக்காது.

விண்ணப்பிக்கும் வழிமுறைகள் 

ஒரு மாவட்டம் ஒரு தயாரிப்புத் திட்டத்திற்கு எப்படி விண்ணப்பிக்க வேண்டும் என்பது குறித்து படிப்படியான வழிகாட்டியை கீழே காண்போம்.

1. ஒரு மாவட்டம் ஒரு தயாரிப்புத் திட்டத்தின் அதிகாரப்பூர்வ இணைய தளத்தைப் பார்வையிட வேண்டும் – https://odop.gov.in/
2. விண்ணப்பம் செயல்முறையைத் தொடங்க இணைய தளத்தில் ‘இப்போது விண்ணப்பிக்கவும்’ பட்டனைக் கண்டுபிடித்து, அதைக் கிளிக் செய்யவும்.
3. வழிமுறைகளைக் கவனமாகப் படித்து, தேவையான அனைத்து விவரங்களையும் விண்ணப்பப் படிவத்தில் நிரப்ப வேண்டும்.
4. தேவையான ஆவணங்களை பதிவேற்றம் செய்ய வேண்டும்.
5. அனைத்து விவரங்களையும் பூர்த்தி செய்து, தேவையான ஆவணங்களை பதிவேற்றிய பிறகு, விண்ணப்பப் படிவத்தை சமர்ப்பிக்கவும்.
6. விண்ணப்பப் படிவத்தைச் சமர்ப்பித்த பின்னர், தனிப்பட்ட விண்ணப்ப ஐடியுடன் ஒப்புகைச் சீட்டைப் பெறுவீர்கள். 
7. விண்ணப்பம் சம்பந்தப்பட்டத் துறையால் பரிசீலிக்கப்பட்டு, தகுதிக்காக சரிபார்க்கப்படும்.
8. உங்கள் விண்ணப்பம் ஏற்றுக் கொள்ளப்பட்டால் நிதியின் அளவு, விதிமுறைகள், நிபந்தனைகள் மற்றும் செயல்படுத்துவதற்கான காலக்கெடு பற்றிய விவரங்களுடன் ஒப்புதல் கடிதத்தைப் பெறுவீர்கள். 
9. நீங்கள் திட்டச் செயலாக்கத்தைத் தொடங்கி, அங்கீகரிக்கப்பட்ட நிதி முறையின்படி நிதியைப் பெறலாம். 
10. திட்டத்தின் அனைத்து விதிமுறைகள் மற்றும் நிபந்தனைகளுடன் நீங்கள் இணங்குவதை உறுதிசெய்து, நிதியுதவியைத் தொடர்ந்து பெறுவதற்கு முன்னேற்ற அறிக்கைகள் மற்றும் பயன்பாட்டுச் சான்றிதழ்களை சரியான நேரத்தில் சமர்ப்பிக்க வேண்டும். 

தேவையான ஆவணங்கள் 

• ஆதார் அட்டை 
• பான் அட்டை
• வங்கிக் கணக்கு விவரங்கள் 
• நில உரிமை ஆவணங்கள் 
• ஜிஎஸ்டி பதிவு

முடிவு

ஒரு மாவட்டம் ஒரு தயாரிப்புத் திட்டம் என்பது, நாட்டின் ஒவ்வொரு மாவட்டத்திலும் உருவாகும் வருங்காலத் தயாரிப்புகளை கண்டறிந்து மேம்படுத்துவதற்கும், அதன் மூலம் ஏற்றுமதி மையத்தை உருவாக்கி, அப்பகுதியில் வேலை வாய்ப்புகளை உருவாக்குவதற்கும் இந்திய அரசால் தொடங்கப்பட்ட முக்கியமானத் திட்டமாகும். 

உள்ளூர் உற்பத்தியாளர்கள் தங்கள் உற்பத்தியை அதிகரிக்கவும், அப்பகுதியில் ஏற்றுமதி, உற்பத்தி மற்றும் சேவைத் துறையை மேம்படுத்தவும், ஒரு மாவட்டம் ஒரு தயாரிப்பு (ODOP) முறையை இந்த திட்டம் பயன்படுத்துகிறது.