கொய்யா பூச்சி மற்றும் நோய் மேலாண்மை

கொய்யா (சைடியம் குஜாவா) மிர்டேசியே குடும்பத்தைச் சேர்ந்தது. மேலும் இது வெப்ப மண்டலத்தின் ஆப்பிள் என்றும் அழைக்கப்படுகிறது. 

இதில் வைட்டமின் சி மற்றும் கனிமங்கள் அதிகம் உள்ளது. இது பழ பயிர்களின் மொத்த பரப்பளவில் சுமார் 3.3% ஐ உள்ளடக்கியது மற்றும் இந்தியாவின் மொத்த பழ உற்பத்தியில் கொய்யா 3.3% பங்களிக்கிறது. 

இந்தியாவில், உத்தரபிரதேசம் கொய்யா  உற்பத்தியில் முன்னணியில் உள்ளது, அதே நேரத்தில் உத்தரபிரதேசத்தின் அலகாபாத் பகுதி இந்தியாவிலும் உலகிலும் சிறந்த தரமான கொய்யாவை உற்பத்தி செய்து வருகிறது.

கொய்யா அஸ்கார்பிக் அமிலத்தன்மை கொண்டவை. ஜாம், ஜெல்லி, தேன், ஜூஸ், கொய்யா கேக், ப்யூரி போன்ற பல பொருட்களாக இதை பதப்படுத்தலாம். இதன் வேர்கள், பட்டை, இலைகள் மற்றும் பழங்கள் போன்ற அனைத்தும் மிகுந்த மருத்துவ குணம் கொண்டவை. 

கொய்யா நோய் மேலாண்மை

வாடல் நோய்

• பாதிக்கப்பட்ட செடியில் உள்ள இலைகள் வெளிர் மஞ்சள் நிறமாக தென்படும்.
• செடியில் இலை உதிர்வு ஏற்பட்டு முழு செடியும் இறக்க நேரிடும்.

கட்டுப்படுத்தும் முறை

• இந்த நோயை கட்டுப்படுத்த காப்பர்ஆக்சி குளோரைடு என்ற மருந்தை  2 கிராம்/ ஒரு லிட்டர் தண்ணீர் என்ற அளவில் கலந்து செடியின் வேர் பகுதியில் கொடுக்கவும்.

கொய்யா பழ அழுகல் நோய்

• இந்த நோய் செடியை மழைக்காலத்தில் பாதிக்கும்.
• பாதிக்கப்பட்ட செடியில் பழங்கள் அழுகி கீழே விழும்.
• இது மகசூலை முற்றிலுமாக பாதிக்கும்.

கட்டுப்படுத்தும் முறை

• இந்த நோயை கட்டுப்படுத்த தியோபனேட் மீதைல் 70% டபிள்யு.பி (Thiophanate methyl 70 % WP) @ 15 கிராம்/ 10 லிட்டர் தண்ணீர் என்ற அளவில் தெளிக்கவும்.

ஆந்த்ராக்னோஸ் பழ அழுகல் நோய்

• பழங்களில் கருப்பு நிற புள்ளிகள் தென்படும்.
• பழம்  மற்றும் பூக்களின் உதிர்வு ஏற்படும்.

கட்டுப்படுத்தும் முறை

• இந்த நோயை கட்டுப்படுத்த தியோபனேட் மீதைல் 70% டபிள்யு.பி (Thiophanate methyl 70 % WP) @ 2கிராம்/ 1 லிட்டர் தண்ணீர் என்ற அளவில் தெளிக்கவும்.

இலைப்புள்ளி நோய்

• பாதிக்கப்பட்ட செடியில் உள்ள இலைகளில் கருப்பு நிற புள்ளிகள் தென்படும்.
• இந்த நோய் தீவிர தாக்குதலின் போது மற்ற கிளைகளுக்கும்  பரவும்.
• இந்த நோய் கொய்யாவின் தரத்தை குறைக்கும்.

கட்டுப்படுத்தும் முறை

• இந்த நோயை கட்டுப்படுத்த கார்பென்டாசிம் என்ற மருந்தை 2 கிராம்/ ஒரு லிட்டர் தண்ணீர் என்ற அளவில் கலந்து செடி நன்கு நனையும்படி 20 நாட்கள் இடைவெளியில் 2 முறை தெளிக்கவும். 

கொய்யா பூச்சி மேலாண்மை

பழ ஈக்கள்

• இந்த பூச்சி கொய்யா பழத்தில் சாற்றை உரிந்து குடிக்கும்.
• சாற்றை குடித்த இடங்களில் கருமை நிற புள்ளிகள் தென்படும் .
• பாதிக்கப்பட்ட பழங்கள் பிஞ்சிலேயே பழுத்து உதிர்ந்து விடும்.

கட்டுப்படுத்தும் முறை

• இந்த பூச்சியை கட்டுப்படுத்த குயினால்பாஸ் என்ற மருந்தை 30 மில்லி மற்றும் நாட்டுச்சக்கரை 50 கிராம் என்ற அளவில் கலந்து தெளிக்கவும்.
• மேலும் பாதிக்கப்பட்ட பழங்களை சேகரித்து அழிக்கவும்.

இலைப்பேன்

• செடியில் பச்சை மற்றும் வெளிர்ந்த மஞ்சள் நிறங்களில் சிறு பூச்சிகள் தென்படும்.
• பாதிக்கப்பட்ட இலை  மற்றும் காய்களில் கருப்பு நிறத்தில் சொறி போன்று காட்சியளிக்கும்.

கட்டுப்படுத்தும் முறை

• இந்த பூச்சியை கட்டுப்படுத்த வயலில் தம்பலப்பூச்சி (Lady Bird Beetle) போன்ற நன்மை செய்யும் பூச்சியின் இனப்பெருக்கத்தை ஆதரிக்கவேண்டும்.
• மேலும் இதனை கட்டுப்படுத்த தியோமீதோக்சம் 25% டபிள்யு.ஜீ (Thiamethoxam.25% WG) @ 12 கிராம்/10 லிட்டர் தண்ணீர் என்ற அளவில் தெளிக்கவும்.

மாவு பூச்சி

• இந்த பூச்சி செடியின் உள்ள  இலைகளில் சாற்றை உரிந்து குடிக்கும்.
• இது செடியில் கொழுந்து பகுதியில் இருக்கும்.

கட்டுப்படுத்தும் முறை

• இந்த பூச்சியை கட்டுப்படுத்த பப்ரோஃபெசின் 70% டி.எஸ் @ 12 கிராம்/ 10 லிட்டர் தண்ணீர் என்ற அளவில் செடி நன்கு நனையும்படி தெளிக்கவும்.