காலிஃபிளவர் ஊட்டச்சத்துக்கள் நிறைந்த காய்கறி ஆகும், இது குளிர்காலத்தில் உலகின் பல பகுதிகளில் வளரும். கோல் குடும்பம் ப்ரோக்கோலி, காலே, பிரஸ்ஸல்ஸ் முளைகள், கொலார்ட்ஸ் மற்றும் கோஹ்ராபி போன்ற பல்வேறு காலிஃபிளவர் வகைகளிலிருந்து உருவானது. மேலும் இவற்றின் அறிவியல் பெயர் பிராசிகா ஓலரேசியா.
குறிப்பாக துடிப்பான சுவையை கொண்டுள்ளதால் அனைத்து காலிஃபிளவர் வகைகளும் பல இந்திய வீட்டு உணவுகளில் ஆதிக்கம் செலுத்துகின்றன மேலும் இது உடலின் ஆரோக்கியமான செயல்பாட்டை ஊக்குவிக்கும் வகையில் உள்ளது.
காலிஃபிளவர் வளர்ச்சிக்கு ஏற்ற ஒளி மற்றும் மண்
- காலிஃபிளவர் வகைகளை வளர்ப்பதற்கு மணல் மற்றும் களிமண் தான் சிறந்தவையாகும். மண் நன்கு வடிகட்டிய, ஈரமான மற்றும் கரிம ஊட்டச்சத்துக்கள் நிறைந்ததாக இருக்க வேண்டும்.
- மண்ணின் கார-அமில அளவு 6.5-6.8 க்கு இடையில் இருக்க வேண்டும். இதனால் மறைமுகமாக வேர் நோய்களிலிருந்து பாதுகாக்கிறது.
- காலிஃபிளவர் வளர்ச்சிக்கு சூரிய ஒளி மிகவும் முக்கியமாகும். சரியான சூரியஒளி இல்லையெனில், பூக்கள் மஞ்சள் நிறமாக மாறும். இதனால் லாபம் குறைய நேரிடும்.
உகந்த ரகம்
- பெரும்பாலான விவசாயிகள் விதை பாக்கெட்டுகளில் இருக்கும் தகவலைப் படிக்காமல் அதே தவறை செய்கிறார்கள்.
- காலிஃபிளவர் சாகுபடிக்கு சரியான நேரத்தில் அறுவடை செய்ய 15-21 டிகிரி வெப்பநிலை தேவைப்படுவதால், முதிர்ச்சியும் வளர்ச்சியும் அந்தந்த காலநிலைக்கு பொருந்த வேண்டும். இலையுதிர் காலத்தில் அல்லது வசந்த காலத்தில் விதைக்க வேண்டும். மேலும் விதைகளைக் குறைந்த நாட்கள் வயதுடையதாகவும் மற்றும் வெப்பத்தை தாங்கி வளரக்கூடியதாகவும் தேர்ந்தெடுக்கவும்.
சரியான இடத்தை தேர்ந்தெடுத்தல்
- சூரிய ஒளியில் இருந்து அனைத்து ஆற்றலையும் பெறுவதற்கு, காலிஃபிளவர் வகைகளை வளர்க்க ஓரளவு நிழல்கள் கொண்ட சூரிய ஒளி நன்கு வரக்கூடிய இடங்களை தேர்வு செய்ய வேண்டும்.
- சூரியஒளி வளர்ச்சியை இன்னும் வேகமாகச் செயல்படுத்தி பெரிய வெள்ளைத் தலை காலிஃபிளவராக மாறும்.
சரியான நடவு முறை
- போதுமான வளரும் இடம் மற்றும் காற்று சுழற்சியை உள்ளவாறு நிலத்தை தயார் செய்ய வேண்டும். வரிசைகளுக்கு இடையே 30 அங்குல இடைவெளியும், ஒவ்வொரு பயிருக்கு இடையே 18-24 இடைவெளியும் இருக்க வேண்டும். வளரும் கட்டத்தில் அதிக எடை பிரச்சினையைத் தவிர்க்க பயிரை ஆழமாக நடவும்.
- காலிஃபிளவர் சாகுபடிக்கு போதுமான ஈரப்பதம் அவசியம். அதிக வெப்பநிலையும் உலர்ந்த மண்ணினையும் இதனால் தாங்கி வளர இயலாது.
- நீங்கள் இலையுதிர்காலத்தில் அறுவடை செய்ய விரும்பினால், இலையுதிர்காலத்தின் 8-12 வாரங்களுக்கு முன்பு 23 டிகிரி வெப்பநிலை உள்ளபொழுது நடவு செய்ய வேண்டும்.
- வெப்பநிலை குறைந்து, பயிருக்கு கூடுதல் குளிர்ச்சியாக இருந்தால், பழைய பால் குடங்களைக் கொண்டு மூடவும். இவ்வாறு மூடுவது காலிஃபிளவர் பூவின் வளர்ச்சியை அதிகரிக்கும்.
பெரிய பூக்களை பெறுதல்
- நல்ல தரமான பூக்களை பெற, தரமான விதை மற்றும் இயற்க்கை வழி சாகுபடி முறையை கடைபிடிக்கவேண்டும்.
- பெரிய பூக்கள் மற்றும் ஊட்டச்சத்துக்கள் நிறைந்த காலிஃபிளவர் வகைகளை உற்பத்தி செய்ய 50-55 நாட்கள் ஆகும்.
நீர்நிர்வாகம்
- மண்ணை 6-8 அங்குல அளவு வரை மூடும் வகையில் வாரம் ஒருமுறை 1 அங்குல நீர் வழங்க பரிந்துரைக்கப்படுகிறது.
- காலிஃபிளவருக்கு விதை முளைத்து பூ உருவாகும் வரை அதிக அளவு தண்ணீர் தேவைப்படும்.
- கோடையில், ஒரு நாளைக்கு ஒரு முறை நீர்ப்பாசனம் செய்வது அவசியமாகும். ஆனால் மண்ணின் தேவைகள் மற்றும் காலநிலைகளை தொடர்ந்து சரிபார்த்து கொடுக்கவேண்டும்.
பூவின் தரம் மற்றும் இடையை அதிகரித்தல்
- பூவின் தரம் மற்றும் இடையை அதிகரிக்க மண்ணில் ஈரப்பதம், சரியான சுற்றுச்சூழல் அமைப்பு மற்றும் மிதமான வெப்பநிலை ஆகியவற்றை சரியான முறையில் பராமரிக்க வேண்டும்.
- நல்ல மகசூலுக்கு செடிக்கு எந்த வித நெரிசலும் இருக்கக்கூடாது. அதாவது அதிகபடியான ஈரப்பதம், குளிர் அல்லது மிகவும் வெப்பமான வானிலை மற்றும் பூச்சிகள்.
தகுந்த இடைவெளி
குழப்பத்தைத் தவிர்க்க காலிஃபிளவர் தோட்டங்களுக்கு வரிசைகளை உருவாக்கவும். ஒவ்வொரு பயிருக்கு இடையே 30-35 அங்குல இடைவெளி மற்றும் 21-25 அங்குல இடைவெளியுடன் வரிசைகளை உருவாக்கவும். இந்த நடைமுறை காற்று சுழற்சியை ஊக்குவிக்கவும் மற்றும் சூரியஒளியை சீர்படுத்தவும் உதவுகிறது.
மொட்டு அகற்றுதல்
அதிகப்படியான வெப்பம் அல்லது குளிர்ந்த வெப்பநிலை காரணமாக காலிஃபிளவரில் தேவையற்ற மொட்டுக்களை நீக்கிவிடவேண்டும்.
உரமேலாண்மை
- காலிஃபிளவர் செடிகளில் அதிக மகசூலை பெற உரம் பெரிய பங்கு வகுக்கிறது.
- காலிஃபிளவர் பயிருக்கு நன்கு மக்கிய எரு 10 டன், யூமிக் ஆசிட் பவுடர் 500 கிராம், யூரியா 15 கிலோ, டிஏபி 85 கிலோ மற்றும் மியூரேட் ஆப் பொட்டாஷ் 33 கிலோ/ ஏக்கர் என்ற அளவில் அடியுரமாக இடவும். பிறகு 30வது நாளில் யூரியா 45 கிலோ/ ஏக்கர் என்ற அளவில் இடவும்.
- பூ உருவாக்கும் தருணத்தில் 00:52:34 என்ற உரம் @ 100 கிராம்/ 10 லிட்டர் தண்ணீர் என்ற அளவில் தெளிக்கவும் பிறகு பூ பாதி வளர்ச்சியடைந்த தருணத்தில் சிலேட்டட் கால்சியம் நைட்ரேட் 15 கிராம் மற்றும் சிலேட்டட் போரான் 15 கிராம்/ 10 லிட்டர் தண்ணீர் என்ற அளவில் தெளிக்கவும். இது செடியில் நல்ல தரமான பூக்களை பெர உதவும்.
சிறிய பூ வரக்காரணம்
மண்ணின் சத்து பற்றாக்குறை, நாற்றுகளின் அழுத்தம், செடியின் இடைவெளி, காலநிலை ஏற்றத்தாழ்வு, போதிய வடிகால் இல்லாதது, செடிகளின் நெரிசல், குறைந்த ஈரப்பதம், பூச்சிகள் மற்றும் நோய்கள் போன்றவற்றை செடியின் மகசூல் குறைய காரணமாகும்.
களைக்கட்டுப்பாடு
வாரம் ஒருமுறை களைகளை எடுப்பது அவசியம். இது நேரடியாக மண்ணில் உள்ள சத்துக்களை உரிந்து விளைச்சலுக்கு இடையூறாக இருப்பதால் களைக்கட்டுப்பாடு அவசியமாகும். மேலும் களைக்கொல்லி பயன்படுத்தாமல் ஆட்கள் கொண்டு களைகளை அகற்ற வேண்டும்.
காலிஃபிளவர் பூ விரிதல்
காலிஃபிளவர் பூ விரிவதற்கு பின்னால் உள்ள காரணங்கள்: சீரற்ற காலநிலை, ஏற்ற இறக்கங்கள் இன்மை, வறட்சி, போதிய நீர்ப்பாசனம் இன்மை மற்றும் மண்ணின் குறைந்த ஊட்டச்சத்து போன்றவற்றால் இவ்வாறு ஏற்படும். மேலும் அதிக உரம் விடுவதையும் தவிர்க்கவேண்டும்.
காலிஃபிளவர் பயிர் பாதுகாப்பு
காலிஃபிளவரில் முக்கியமாக பார்க்க வேண்டியவை புழு தாக்குதல். இதில் வைர முதுகு அத்துப்பூச்சி பெரிய சேதத்தை உண்டாக்க கூடியவை. இதை கட்டுப்படுத்த நோவாலூரோன் 10% இ.சி @ 15 மில்லி/ 10 லிட்டர் தண்ணீர் என்ற அளவில் தெளிக்கவும்.
பின்செய் நேர்த்தி
- நல்ல தரமான பூக்கட்டிகளைப் பெற, பூக்கட்டிகளைச் சுற்றியுள்ள நன்கு வளர்ந்த பெரிய இலைகளை இழுத்து மூடிகட்டிவிடவேண்டும். இதனால் சூரிய ஒளியிலிருந்து பூக்களை பாதுகாக்கலாம்.
- பூக்கள் மஞ்சள் நிறமாக மாறுவது தடுக்கப்படும். மேலும் பனிவிழும் பகுதிகளில் நேரடிப் பனித்தாக்குதலிலிருந்தும் பாதுகாக்கலாம்.
- குளிர் காலத்தில் இவ்வாறு அதிகமாக மூடிவைக்கும் போது பூக்கட்டிகள் பிரிந்து இலைகள் உருவாகி மலர்கள் தோன்றுவதற்கு காரணமாகும். எனவே இம்முறையை மிக கவனமாகக் கையாளவேண்டும்.
அறுவடை
- பயிர் வளர்ச்சி முதிர்வு கட்டத்தை அடைந்தவுடன், தழைகள் விரைவாக வளரும். காலிஃபிளவர் பூக்கள் முழுமையாக பழுக்க 50-70 நாட்கள் ஆகும். இலைகள் வெளிர் நிறமாக மாற ஆரம்பித்த பிறகு, 7-10 நாட்களில் அறுவடைக்கு தயாராகிவிடும்.
- பூக்களை பாதுகாக்க, காலிஃபிளவரை பிரதான தண்டிலிருந்து சில இலைகளுடன் சேர்த்து வெட்டவும். அவை விரைவாக தரத்தை இழப்பதால், அவற்றை விரைவில் ஏற்றுமதி செய்வதை உறுதிசெய்யவும்.
