பொது விநியோக அமைப்பின் ஒருங்கிணைந்த மேலாண்மை (IMPDS)

IMPDS திட்டம் விவசாயிகள், புலம்பெயர்ந்த தொழிலாளர்கள் மற்றும் தொழிலாளர்களுக்கு ஒரு வரமாக அமைந்துள்ளது. இத்திட்டம், இந்திய அரசின் உணவு மற்றும் பொது விநியோகத் துறையால், மாநில/யூனியன் பிரதேச அரசுகளுடன் இணைந்து நாட்டில் வெளிப்படையான மற்றும் சீரான பொது விநியோக முறைக்காக (PDS) செயல்படுத்தப்படுகிறது. இப்பொழுது இது ஒரு நாடு ஒரு குடும்ப அட்டை (ONORC) திட்டம் என்று பரவலாக அறியப்படுகிறது. இத்திட்டத்தின் முக்கிய நோக்கம், நாடு முழுவதும் உள்ள எந்த நியாய விலைக் கடையிலிருந்தும் (FPS) ரேஷன் கார்டு வைத்திருப்பவர்களுக்கு உணவு தானியங்களை வாங்கிச் செல்ல அனுமதி வழங்கும் பொருட்டு நாடு தழுவிய அளவில் அறிமுகப்படுத்துவதாகும்.

திட்ட மேலோட்டம்

திட்டத்தின் பெயர்: பொது விநியோக அமைப்பின் ஒருங்கிணைந்த மேலாண்மை (ஒரே நாடு ஒரு ரேஷன் கார்டு திட்டம்)

திட்டம் செயல்படுத்தப்பட்டது: 2018

இத்திட்டம் மார்ச் 31, 2023 வரை நீட்டிக்கப்பட்டுள்ளது

அரசுத் திட்டத்தின் வகை: மத்தியத் துறைத் திட்டம்

நிதியுதவி / துறை திட்டம்: நுகர்வோர் விவகாரங்கள், உணவு மற்றும் பொது விநியோக அமைச்சகம்

விண்ணப்பிக்க வேண்டிய இணையதளம்: அந்தந்த மாநில இணையதளங்கள்

உதவி எண்: 14445

IMPDS இன் அம்சங்கள்

தேசிய தகவல் மையத்தின் தொழில்நுட்ப உதவியுடன் IMPDS திட்டம் செயல்படுத்தப்படுகிறது.

திட்டம் பற்றிய சமீபத்திய செய்திகள்

சமீபத்தில், ஒரே நாடு ஒரே ரேஷன் கார்டு திட்டத்தை அமல்படுத்திய 36வது மாநிலமாக அசாம் ஆனது. ONORC திட்டம் 36 மாநிலங்கள் மற்றும் யூனியன் பிரதேசங்களில் வெற்றிகரமாக செயல்படுத்தப்பட்டு, நாடு முழுவதும் உணவுப் பாதுகாப்பை எடுத்துச் செல்லக்கூடியதாக மாறியுள்ளது.

பொது விநியோக அமைப்பின் ஒருங்கிணைந்த நிர்வாகத்தின் நன்மைகள்

• இந்த திட்டம் உணவு தானியங்கள் விநியோகத்தில் அதிக வெளிப்படைத்தன்மையையும் செயல்திறனையும் கொண்டு வரும்.
• பயோமெட்ரிக்/ஆதார் அங்கீகாரத்தைப் பயன்படுத்தி, NFSA பயனாளிகள், குறிப்பாக புலம்பெயர்ந்த பயனாளிகள், நாடு முழுவதும் உள்ள எந்த நியாய விலைக் கடையிலும் (FPS) தங்கள் உணவு தானியங்களைப் பெறலாம். இது போலி/நகல் ரேஷன் கார்டுகளை அடையாளம் காணும் பொறிமுறையை மேம்படுத்துவதோடு, சிறந்த வேலை வாய்ப்புகளைத் தேடி பிற மாநிலங்களுக்குச் செல்லும் புலம்பெயர்ந்த தொழிலாளர்களின் உணவுப் பாதுகாப்பை உறுதி செய்யும்.
• இந்த அமைப்பு மோசடியைக் குறைக்கும், ஏனெனில் இந்தத் திட்டத்தின் அடிப்படை நோக்கமே போலிகளை நீககுவதே.
• PDS ஐ அணுகுவதில் சமூக அடையாளம் ஒரு வலுவான காரணியாக இருப்பதால், இந்தத் திட்டம் பெண்களுக்கும், சமூகத்தின் பிற ஏழைப் பிரிவினருக்கும் பயனளிக்கும்.
• இந்த அமைப்பு நாட்டில் பட்டினி இறப்புகளை குறைக்கும் மற்றும் உலகளாவிய பசி குறியீட்டு தரவரிசையில் இந்தியாவின் தரவரிசையை மேம்படுத்தும்.

ஒரே நாடு ஒரே ரேஷன் கார்டின் சவால்கள்

இந்தியாவில் இன்னும் குறைந்த அளவே இணைய ஊடுருவல் வசதி விகிதம் உள்ளது. இது ONORC இன் நம்பகமான செயல்பாட்டைக் கட்டுப்படுத்துகிறது. ஏழை, புலம்பெயர்ந்தோர் பெரும்பாலும் வீட்டு வேலைகளையே நம்பியிருக்கிறார்கள். இது, பயோ-மெட்ரிக் பொருத்தத்தின் போது கைரேகைகள் அடிக்கடி மாறுபடுவதில் சிக்கல்களை உருவாக்குகிறது.

எப்படி விண்ணப்பிப்பது?

படி 1: அந்தந்த மாநிலம்/யூனியன் பிரதேசம் –  உணவு இணையதளங்களைப் பார்வையிடவும்

படி 2: முகப்புப் பக்கத்தை உலாவவும் மற்றும் பதிவு செய்ய “புதிய ரேஷன் கார்டு கோரிக்கை” என்பதைக் கிளிக் செய்யவும்

படி 3: NPHH ரேஷன் கார்டுக்கு விண்ணப்பிக்க, முன்னுரிமை இல்லாத வீட்டு (NPHH) விருப்பத்தைத் தேர்வு செய்யவும்

படி 4: ஆதார் எண் மற்றும் மொபைல் எண்ணை உள்ளிட்டு (ஆதாரில் பதிவு செய்யப்பட்டுள்ளது) மற்றும் ஆதார் எண்ணுடன் பதிவுசெய்யப்பட்ட மொபைல் எண்ணுக்கு ஒரு முறை கடவுச்சொல்லைத் தேர்ந்தெடுத்து, செல் (Go) விருப்பத்தினைத் தேர்வு செய்யவும்.

படி 5: ஆதார் மற்றும் கேப்ட்சாவிலிருந்து (Captcha) பெறப்பட்ட OTP ஐ உள்ளிட்டு Go பட்டனைத் தேர்வு செய்யவும்.

படி 6: OTP மற்றும் கேப்ட்சாவின் வெற்றிகரமான சரிபார்ப்பில், ஆதாரில் உள்ள பெயர், பிறந்த தேதி, பாலினம் மற்றும் புகைப்படம் போன்ற விவரங்கள் காட்டப்படும்.

படி 7: ஆதார் விவரங்கள் சரியாக இருந்தால், சேர் பொத்தானைத் தேர்வு செய்யவும். இதனால் விண்ணப்ப எண் உருவாக்கப்படும்.

படி 8: இதற்குப் பிறகு, தேர்வுப்பெட்டியைத் தேர்வு செய்வதன் மூலம் ரேஷன் கார்டுக்கான முகவரியைத் தேர்ந்தெடுக்கவும். நகர்ப்புற பகுதிக்கு நகரத்தைத் தேர்ந்தெடுத்து பிறகு வார்டு எண் மற்றும் பகுதியைத் தேர்ந்தெடுக்கவும். கிராமப்புறப் பகுதிக்கு பஞ்சாயத்து ஊரை தேர்ந்தெடுக்கவும். தேர்ந்தெடுக்கப்பட்ட முகவரிப் பகுதியின் பின் குறியீட்டினைப் பொறுத்து நியாய விலைக் கடை தானாகத் தேர்ந்தெடுக்கப்படும்.

படி 9: 18 வயதுக்கு மேற்பட்ட மூத்த பெண் உறுப்பினரை HOF (குடும்பத் தலைவர்) ஆக தேர்ந்தெடுக்கவும். இல்லை என்றால் மூத்த ஆண் உறுப்பினரை HOF ஆக தேர்ந்தெடுக்கவும்.

படி 10: குடும்பத் தலைவரைத் தேர்ந்தெடுத்த பிறகு, உறுப்பினர்கள் சேர்க்கைக்கான பொத்தானைத் தேர்வு செய்வதன் மூலம் HOF உடன் மீதமுள்ள உறுப்பினர்களின் உறவை குறிப்பிட வேண்டும். பின்னர் சேமி பொத்தானைக் கிளிக் செய்யவும்.

படி 11: ரேஷன் பொருட்கள் வாங்க விரும்புவதற்கு ஆம்/இல்லை என்பதைத் தேர்ந்தெடுக்கவும்

படி 12: மாதிரி நகலில் உள்ள விவரங்கள் சரியாக இருக்கும் பட்சத்தில், ரேஷன் கார்டை உருவாக்க ஜெனரேட் RC பட்டனைக் கிளிக் செய்யவும். மேலும் பிரிண்ட் பட்டனைக் கிளிக் செய்வதன் மூலம் RC நகலின் அச்சை (பிரிண்ட் அவுட்) எடுத்துக் கொள்ளலாம்.

தேவையான ஆவணங்கள்

• ஆதார் அட்டை/வாக்காளர் அடையாள அட்டை போன்ற இந்திய அரசாங்கத்தால் வழங்கப்பட்ட அதிகாரப்பூர்வ ஆவணம்.
• குடியிருப்பு சான்றிதழ்
• பாஸ்போர்ட் அளவு புகைப்படங்கள்
• விண்ணப்பதாரரின் வங்கி கணக்கு புத்தகம்
• வருமானச் சான்றிதழ்
• வேட்பாளர் பிற மாநிலத்திலிருந்து புலம்பெயர்ந்தவராக இருந்தால், ஏற்கனவே உள்ள ரேஷன் கார்டின் நகல்.

முடிவுரை

ஒரே நாடு ஒரே ரேஷன் கார்டு திட்டம் என்பது உணவுப் பாதுகாப்புச் சட்டத்திற்குப் பிறகு தொலைநோக்கு கண்ணோட்டத்தில் நடைபெறக்கூடிய பொது விநியோகச் சுற்றுச்சூழலின் சீர்திருத்தமாகும். இது பல்வேறு மாநிலங்களில் இருந்து வேலையில்லாமல் புலம்பெயர்ந்தோரின் வாழ்வாதாரத்திற்கு உதவும் மற்றும் 2030 ஆம் ஆண்டிற்குள் பட்டினியை முடிவுக்கு கொண்டுவருவதை நோக்கமாகக் கொண்ட 2வது நிலையான வளர்ச்சி இலக்கின் கீழ் நிர்ணயிக்கப்பட்ட இலக்கை அடைய உதவக்கூடிய திட்டம்.