ராஜஸ்தான் கோட்டாவில் முன்னேறும் விவசாயம்: க்ரிஷி-மஹோத்ஸவ்: ப்ரதர்ஷினி ஏவம் ப்ரஷிக்ஷன் 

இந்திய அரசின் வேளாண்மை மற்றும் விவசாயிகள் நலத் துறை, ராஜஸ்தான் அரசின் வேளாண்மைத் துறையுடன் இணைந்து, ‘க்ரிஷி-மஹோத்சவ்: ப்ரதர்ஷினி ஏவம் ப்ரஷிக்ஷன்’ என்னும் இரண்டு நாள் நிகழ்ச்சியை  ராஜஸ்தான் கோட்டாவில் உள்ள தசரா மைதானத்தில் ஏற்பாடு செய்தது. ராஜஸ்தானின் கோட்டா பிரிவை விவசாயம் மற்றும் கிராமப்புற வளர்ச்சித் துறையில் முன்னேறி முன்னணியில் ஆக்குவது இதன் நோக்கமாகும். 

கருத்து

க்ரிஷி-மஹோத்சவ்: ப்ரதர்ஷினி ஏவம் ப்ரஷிக்ஷன் என்பது ராஜஸ்தானின் கோட்டா பிரிவில் விவசாய நடைமுறைகளை ஊக்குவிக்கவும், விவசாயத்தை மேம்படுத்தவும் ஏற்பாடு செய்யப்பட்ட ஒரு நிகழ்வாகும். இந்நிகழ்வில் விவசாயிகள் மற்றும் பிற பங்குதாரர்களுக்கு, சமீபத்திய விவசாய தொழில்நுட்பங்கள் பற்றி தெரிவிக்க பல்வேறு நடவடிக்கைகள் ஏற்பாடு செய்யப்பட்டன. புதிய தொழில்நுட்பங்கள் மற்றும் நடைமுறைகள் விவசாயிகளுக்கு உதவும் வகையில், இந்நிகழ்வில் 5000 விவசாயிகளுக்கு விவசாயப் பாடங்களில் பயிற்சித் திட்டங்கள் மற்றும் வேளாண் உள்கட்டமைப்பு நிதி பற்றிய பட்டறைகளும் இடம்பெற்றன. இந்தியா மற்றும் ராஜஸ்தானின் எதிர்கால விவசாயத்தை பற்றி லோக்சபா சபாநாயகர், மத்திய விவசாயம் மற்றும் கால்நடை பராமரிப்பு அமைச்சர்கள் போன்ற முக்கிய அரசுத் தலைவர்கள் கலந்தாலோசித்தனர். 

இந்த நிகழ்வு விவசாயிகள் அவர்கள் பண்ணைகளில் புதிய தொழில்நுட்பங்களை செயல்படுத்துவதற்கு உதவுகிறது. மேலும், நிகழ்வில் பங்குபெற்ற விவசாயிகள் மற்ற விவசாயிகளுடனும், அரசு அதிகாரிகளுடனும் இணைந்து கருத்துக்களை பகிர்ந்து கொள்ள இந்நிகழ்ச்சி வாய்ப்பளித்தது. விவசாய தொடக்க நிறுவனங்களுக்கு இந்நிகழ்வு பயனுள்ளதாக இருந்தது, ஏனெனில் இது அவர்களின் தயாரிப்புகள், சேவைகளை காட்சிப்படுத்தவும் மற்றும் வாடிக்கையாளர்களைக் கண்டறியவும் ஒரு தளத்தை வழங்கியது. விவசாயிகள் தங்கள் வருமானத்தை அதிகரிப்பதற்கும், திறன்களை மேம்படுத்துவதற்குமான பல்வேறு நிகழ்ச்சிகள் நடைபெற்றன. 

முக்கிய தகவல்

• க்ரிஷி-மஹோத்ஸவ்: பிரதர்ஷினி ஏவம் பிரஷிக்ஷன் என்பது  ராஜஸ்தானின் கோட்ட பிரிவில் மேம்பட்ட விவசாய நடைமுறைகளை ஊக்குவிக்கும் நிகழ்வாகும். 
• விவசாய பொருட்கள், சேவைகள் மற்றும் தொழில்நுட்பக் கண்காட்சிகள் கொண்ட  இந்நிகழ்வு இரண்டு நாட்கள் நடைபெற்றது. 
• கண்காட்சியில் அரசு திட்டங்கள், தனியார் துறை விவசாய பொருட்கள் பற்றிய தகவல்களை வழங்கும் 225 ஸ்டால்கள் இருந்தன, அவற்றில் 150 தகவல்களுக்காகவும், 75 தொடக்க நிறுவனங்களுக்காகவும் இருக்கும். 
• விவசாயிகளுக்கான பல்வேறு விவசாயப் பாடங்கள் குறித்த பயிற்சி நிகழ்ச்சிகளும், வேளாண் உள்கட்டமைப்பு நிதி குறித்த பட்டறைகளும் இந்த நிகழ்ச்சியில் நடைபெற்றன. 
• இவ்விழாவில் முக்கிய அரசு தலைவர்கள் மற்றும் அதிகாரிகள் கலந்து கொண்டனர். விவசாயத்தில் புதிய தொழில்நுட்பத்தைப் பின்பற்றவும், நவீன புதுமையான விவசாய முறைகளைப் பின்பற்றவும் ஆர்வமுள்ள விவசாயிகள் அதிகளவில் பங்கேற்றனர். 

முடிவுரை

இவ்விழாவில் விவசாயத்தை லாபகரமான தொழிலாக மாற்றுவதற்கு அனைத்து விவசாயிகளும் மேம்பட்ட விவசாய உற்பத்தி முறை, புதிய விவசாய தொழில்நுட்பம் மற்றும் மேம்பட்ட விவசாய இயந்திரங்களை பின்பற்ற ஊக்குவிக்கப்பட்டு பயிற்சி அளிக்கப்பட்டது. அவ்வப்போது இதுபோன்ற நிகழ்ச்சிகளை ஏற்பாடு செய்து, விவசாயிகளின் வருமானத்தை அதிகரிக்கவும், விவசாயத்தை நிலையானதாக மாற்றவும் இப்பகுதி விவசாயிகளுக்கு சரியான வழிகாட்டுதலை வழங்குவது முக்கியமாகும்.