காலநிலை மீட்பு வேளாண்மையில் தேசிய கண்டுபிடிப்பு (NICRA) இன் கீழ், ICAR நிறுவனங்களால் நடத்தப்பட்ட காலநிலை மாற்றத்தின் தாக்க ஆய்வுகள், பல்வேறு மாநிலங்களில் உள்ள ஈரநில மீன்வளத்தின் பாதிப்பினை, மதிப்பீடு செய்துள்ளது. மீனவர்களின் தயார்நிலை மற்றும் பருவநிலை மாற்றத்திற்கு ஏற்றவாறு தகவமைத்துக் கொள்ளும் திறனை அதிகரிக்க, காலநிலை பிரச்சாரங்கள் மற்றும் விழிப்புணர்வு நிகழ்ச்சிகள் செயல்படுத்தப்பட்டு வருகின்றன.
இந்திய அரசின் இந்திய வேளாண் ஆராய்ச்சி கவுன்சிலின் (ICAR) ஆதரவுடன் செயல்படும் மீன்வள ஆராய்ச்சி நிறுவனங்கள், காலநிலை மாற்றத்தின் விளைவுகளைப் புரிந்துகொள்வதற்காக, மீன்வளம் மற்றும் மீன்வளர்ப்பு நிலைத்திருக்க உதவும் காலநிலை-எதிர்ப்பு உத்திகளை உருவாக்குவது தொடர்பாக தொடர்ந்து ஆய்வுகளை மேற்கொள்கின்றன. ICAR நிறுவனங்களால் ‘காலநிலை மீட்பு வேளாண்மையில் தேசிய கண்டுபிடிப்பு (NICRA) நடத்தப்பட்ட காலநிலை மாற்ற தாக்க ஆய்வுகள் பின்வருமாறு-
- அசாம், மேற்கு வங்காளம், பீகார், ஒடிசா மற்றும் கேரளாவில் ஈரநில மீன்வளத்திற்கான ஆபத்து காரணி மதிப்பீடு செய்யப்பட்டுள்ளது.
- இந்தியாவின் முக்கிய நதிப் படுகைகளில் காலநிலை போக்குகளின் பகுப்பாய்வு.
- மீன் விநியோகத்தில் தாக்கத்தை ஏற்படுத்துதல், அவற்றின் பிடிப்பின் கலவை மற்றும் விளைச்சல் போன்றவை.
கடல் மீன்வளத்தில், NICRA திட்டம் காலநிலை மாற்றம், மீன் பிடிப்பின் முன்கணிப்பு மற்றும் காலநிலை மாற்ற சூழ்நிலைகளின் முன்னிலையில் கடல் வளர்ப்பு உற்பத்தி, கடல் மீன்வளத்திற்கான ஆபத்து மற்றும் பாதிப்பு மதிப்பீடு, ஈரநில மேப்பிங், கார்பன் தடம், நீல கார்பன் சாத்தியம் பற்றிய மாதிரிகள், கடல் அமிலமயமாக்கல், பிடிப்பு மற்றும் வளர்ப்பு இனங்கள் மீது காலநிலை மாற்றத்தின் விளைவு மற்றும் காலநிலை மாற்றத்திற்கு பதிலளிக்கும் வகையில் தகவமைப்பு மேலாண்மை பற்றிய ஆய்வுகளை நடத்துகிறது.
பருவநிலை மாற்றம் குறித்த விழிப்புணர்வை ஏற்படுத்த, ஒடிசா, அசாம், மேற்கு வங்காளம் மற்றும் கேரளா ஆகிய மாநிலங்களில் பிரச்சாரங்கள் மற்றும் விழிப்புணர்வு நிகழ்ச்சிகள் நடத்துகின்றன. காலநிலை மாற்றத்திற்கு மீனவர்களின் தகவமைப்பு மற்றும் தயார்நிலையை அதிகரிக்க இது உதவும்.
