நவீன வேளாண் தொழில்நுட்பத்தை மேம்படுத்தவும், விரிவாக்க நடவடிக்கைகள் மூலம் விவசாய உற்பத்தியை அதிகரிக்கவும், இந்திய அரசு பல்வேறு திட்டங்களையும், திட்ட அமைப்புகளையும் செயல்படுத்தி வருகிறது. விரிவாக்க சீர்திருத்தங்களுக்கான மாநில விரிவாக்கத் திட்டங்களுக்கான ஆதரவு (ATMA), கிசான் கால் (அழைப்பு) மையம் (KCC), அக்ரி கிளினிக்குகள் மற்றும் வேளாண் வணிக மையங்கள் (AC&ABC) மற்றும் பலவற்றை உள்ளடக்கிய இந்த முயற்சிகளை செயல்படுத்துவதற்கு வேளாண் விரிவாக்கப் பிரிவு தான் பொறுப்பாகும். இந்தியாவில், விவசாய சுற்றுச்சூழல் அமைப்பை மேம்படுத்துவதை நோக்கமாகக் கொண்ட ‘இந்திய டிஜிட்டல் வேளாண் சுற்றுச்சூழல்’ (IDEA), இந்திய அரசாங்கம் சமீபத்தில் நிறுவியுள்ளது.
வேளாண்மையில் தேசிய மின் ஆளுமைத் திட்டம் (NeGP-A), வேளாண் இயந்திரமயமாக்கலின் துணைப் பணி (SMAM), தேசிய வேளாண் சந்தை (e-NAM) மற்றும் வேளாண் சந்தைப்படுத்தல் திட்டங்களுக்கான ஒருங்கிணைந்த திட்டம் (AGMARKNET) ஆகியவை அரசாங்கத்தால் எடுக்கப்பட்ட வேறு சில முயற்சிகள் ஆகும். இந்தத் திட்டங்கள் விவசாய சந்தைப்படுத்தல் உள்கட்டமைப்பை மேம்படுத்துதல், விவசாயிகள் மற்றும் வணிகர்களுக்கு டிஜிட்டல் சேவைகளை வழங்குதல், செயற்கை நுண்ணறிவு, இயந்திர கற்றல் மற்றும் ரோபாட்டிக்ஸ் போன்ற நவீன தொழில்நுட்பங்களின் பயன்பாட்டை மேம்படுத்துவதை நோக்கமாகக் கொண்டுள்ளன.
அனைத்து திட்டங்கள்/திட்ட அமைப்புகள் பற்றிய சுருக்கம்
| திட்டம்/திட்ட அமைப்புகள் | குறிக்கோள் | செயல்படுத்தும் நிறுவனம் |
| விரிவாக்க சீர்திருத்தங்களுக்கான மாநில விரிவாக்க திட்டங்களுக்கான ஆதரவு (ATMA) | பயிற்சி, செயல்விளக்கம், வெளிப்பாடு வருகைகள் மற்றும் பண்ணைப் பள்ளிகளை அமைத்தல் போன்ற விரிவாக்க நடவடிக்கைகள் மூலம் உற்பத்தியை அதிகரிக்க, நவீன விவசாய தொழில்நுட்பங்களை கிடைக்கச் செய்தல் | வேளாண் விரிவாக்கப் பிரிவு |
| விவசாய விரிவாக்கத்திற்கு மாஸ் மீடியா ஆதரவு | மின்னணு, அச்சு மற்றும் சமூக ஊடகங்கள் மூலம் விவசாயம் தொடர்பான திட்டங்கள், பணிகள், அரசு முயற்சிகள், ஆலோசனைகள் மற்றும் நவீன தொழில்நுட்பங்கள் பற்றிய விழிப்புணர்வை ஏற்படுத்துதல் | வேளாண் விரிவாக்கப் பிரிவு |
| கிசான் கால் (அழைப்பு) மையம் (KCC) | விவசாயிகளுக்கு நவீன தொழில்நுட்பங்கள் உள்ளிட்ட விவசாயம் மற்றும் அதைச் சார்ந்த துறைகள் குறித்த கேள்விகளுக்கு கட்டணமில்லா எண் மூலம் பதில்களை வழங்குதல் | வேளாண் விரிவாக்கப் பிரிவு |
| அக்ரி கிளினிக்குகள் மற்றும் வேளாண் வணிக மையங்கள் (AC&ABC) திட்டம் | நவீன விவசாய தொழில்நுட்பங்கள் பற்றியத் தகவல்களைப் பரப்புவதற்கு, விவசாயத் தகுதிகளைக் கொண்ட வேலையற்ற நபர்களுக்கு சுயவேலை வாய்ப்புகளை உருவாக்குதல் | வேளாண் விரிவாக்கப் பிரிவு |
| நான்கு விரிவாக்கக் கல்வி நிறுவனங்கள் (EEIs) | நவீன தொழில்நுட்பங்கள் குறித்து விவசாயிகள் இடையே பரப்ப, நடுத்தர அளவிலான விரிவாக்கச் செயல்பாட்டாளர்களுக்குப் பயிற்சி அளித்தல் | வேளாண் விரிவாக்கப் பிரிவு |
| கிராமப்புற இளைஞர்களின் குறுகிய காலத் திறன் பயிற்சித் (STRY) திட்டம் | கிராமப்புற இளைஞர்கள் மற்றும் விவசாயிகளுக்கு, குறுகிய காலத்தில் நவீன விவசாயத் தொழில்நுட்பம் குறித்த பயிற்சிகளை வழங்குதல் | தேசிய வேளாண் விரிவாக்க மேலாண்மை நிறுவனம் (MANAGE) |
| உள்ளீட்டு விற்பனையாளர்களுக்கான வேளாண்மை விரிவாக்க சேவைகளில் டிப்ளமோ (DAESI) | நவீன தொழில்நுட்பத்தில் விரிவாக்க சேவைகளுடன் தொடர்பை ஏற்படுத்த, உள்ளீட்டு வியாபாரிகளுக்கு விவசாயம் மற்றும் பிற தொடர்புடைய பகுதிகளில் கல்வியை வழங்குதல் | வேளாண் விரிவாக்கப் பிரிவு |
| விவசாயம் மற்றும் அதைச் சார்ந்த பகுதிகளில் திறன் பயிற்சி வகுப்புகள் | திறமையான பணியாளர்களை உருவாக்குவது மட்டுமின்றி, கிராமப்புற இளைஞர்கள் மற்றும் விவசாயிகளுக்கு ஊதியம் அல்லது சுயவேலை வாய்ப்புகளை ஊக்குவிப்பது இதன் நோக்கமாகும் | வேளாண் விரிவாக்கப் பிரிவு |
| விவசாயத்தில் தேசிய மின் ஆளுமைத் திட்டம் (NeGP-A) | AI, ML, ரோபாட்டிக்ஸ், ட்ரோன்கள், தரவுப் பகுப்பாய்வு மற்றும் பிளாக்செயின் போன்ற நவீன தொழில்நுட்பங்களைப் பயன்படுத்துவதை உள்ளடக்கிய திட்டங்களுக்கு மாநிலங்கள் மற்றும் யூனியன் பிரதேசங்களுக்கு நிதியை வெளியிடுதல் | வேளாண்மை, கூட்டுறவு மற்றும் விவசாயிகள் நலத்துறை |
| விவசாய இயந்திரமயமாக்கலின் துணைப் பணி (SMAM) | தனிப்பயன் பணியமர்த்தல் மையங்கள், உயர் தொழில்நுட்ப உபகரண மையங்கள் மற்றும் திறன் மேம்பாட்டு நடவடிக்கைகள் ஆகியவற்றை ஊக்குவிப்பதன் மூலம், சிறு மற்றும் குறு விவசாயிகளுக்கு பண்ணை இயந்திரமயமாக்கல் பலன்களை உருவாக்குதல் | வேளாண்மை, கூட்டுறவு மற்றும் விவசாயிகள் நலத்துறை |
| தேசிய வேளாண் சந்தை (e-NAM) | தற்போதுள்ள வேளாண் உற்பத்தி சந்தைக் குழு (APMC) மண்டிகளை வலையமைப்பதன் மூலம், விவசாயப் பொருட்களுக்கான ஒருங்கிணைந்த தேசிய சந்தையை உருவாக்குதல் | வேளாண்மை மற்றும் விவசாயிகள் நல அமைச்சகம் |
| ஒருங்கிணைந்த வேளாண் சந்தைப்படுத்தல் திட்டம் (AGMARKNET) | வேளாண் சந்தைப்படுத்தல் உள்கட்டமைப்பை உருவாக்குவதற்கு, மானிய ஆதரவை வழங்குதல் மற்றும் விவசாய சந்தைகளில் தினசரி வரவு மற்றும் பொருட்களின் விலைகள் பற்றிய இணைய அடிப்படையிலான தகவல் ஓட்டத்தை வழங்குதல் | சந்தைப்படுத்தல் மற்றும் ஆய்வு இயக்குநரகம் |
| வேளாண் செயலாக்க உற்பத்தி குழுக்களின் வளர்ச்சி | விவசாயப் பொருட்களை பதப்படுத்துவதற்கான நவீன உள்கட்டமைப்புகளை உருவாக்குதல் | உணவு பதப்படுத்தும் தொழில் அமைச்சகம் |
முடிவு
நவீன விவசாயத் தொழில்நுட்பம் மற்றும் நடைமுறைகள், இந்தியாவில் விவசாய உற்பத்தி மற்றும் செயல்திறனை அதிகரிக்க உதவும். இத்தகைய தொழில்நுட்பங்களை ஏற்றுக்கொள்வதை ஊக்குவிக்க, இந்திய அரசாங்கம் ATMA, KCC, SMAM மற்றும் e-NAM போன்ற பல்வேறு திட்டங்களையும், திட்ட அமைப்புகளையும் செயல்படுத்தி உள்ளது. இந்த முயற்சிகள் நவீன விவசாய தொழில்நுட்பங்கள் குறித்த பயிற்சி மற்றும் கல்வியை வழங்குவதையும், புதிய முயற்சிகள் குறித்த விழிப்புணர்வை ஏற்படுத்துவதையும், சந்தைகள் மற்றும் உள்கட்டமைப்புக்கான அணுகலை மேம்படுத்துவதையும் நோக்கமாகக் கொண்டுள்ளது. இந்தத் திட்டங்கள் மற்றும் திட்ட அமைப்புகளைத் தொடர்ந்து செயல்படுத்துவதன் மூலம், இந்திய விவசாயத் துறை நிலையான வளர்ச்சியை அடைய முடியும். மேலும், நாட்டின் ஒட்டுமொத்த பொருளாதார வளர்ச்சிக்கும் பங்களிக்க முடியும்.
